Delestazy lava any amin’ny RN 1

voalohany iny. Mbola tsy nahazo valiny mahafapo ireo mponina raha araka ny fitarainan’izy ireo omaly. Mbola tapaka hatrany mantsy ny herinaratra ka ora telo isan’andro izany no mandeha raha misy. Fanampin’izay dia amin’ny ora fandehanan’ny vaovao sy ny fikarakarana sakafo hariva mihitsy no tena hitrangan’izany. Vokany, mirongatra izaitsizy ny tsy fandriampahalemana. Na ny vilany sy ny fatapera handrahoan-kanina eo an-tokontany aza misy mangalatra ka tsy hitan’ny mponina intsony izay hiainana. Tsy lazaina intsony ny hala-botry sy ny sinto-mahery mitranga any an’elakelan-trano. Nomarihin’ny JIRAMA moa fa efa tokony hifarana tanteraka ity fahatapahan-jiro lavareny any amin’ny lalam-pirenena voalohany ity. Hatramin’ny omaly nahazoana ny vaovao anefa dia mbola tsy nahitam-bokany izany.
Pati Legende : Leo ny fampanantenana poakady hataon’ny JIRAMA ireo mponina any amin’ny RN 1 !