DIDIM-PITSARANA HOSOKA

Nilaza ho mpiasan'ny fitsarana ilay mpisoloky ka miteny ho mahavita sy mikarakara ireo raharaha ireo. Rehefa nivoaka anefa ireo didim-pitsarana ka nentina hanaovana fisoratam-panambadiana vaovao dia fantatra fa tsy manan-kery.Nisy ny fitoriana napetrak'ireo voasoloky ka natao ny vela-pandrika nentina nisamborana ilay olon-dratsy. Voasambotra vokatr’izany ilay rangahy mpisoloky. Raha araka ny fantatra dia didim-pitsarana nivoaka avy eto Antananarivo ilay izy raha tokony ny TPI Antsohihy no fitsarana mahefa amin’ io faritra io. Mampahatsiahy hatrany araka izany ireo tompon’andraikitra eo anivon’ny fitsarana ambaratonga voalohany etsy Anosy fa maro ireo olona milaza ho mahavita mikarakara raharaha toy ny fisaraham-panambadiana tahaka izao saingy ny tsara indrindra dia manatona ny tompon’andraikitra hatrany hisorohana ny vola very sy ny mety ho fahadisoam-panantenana.
Pati
Legende : Ity ilay rangahy mpisoloky sy ireo didim-pitsarana hosoka nampiasainy !