tia tanindrazana

Parution du Lundi, 27 Mars 2023

airtel

Actualités

Efa ho Malagasy 1/3 maty noho ny kalitaon’ny rivotra Manao fanaraha-maso sy tantsoroka ny Amerikanina

Efa ho Malagasy iray ao anatin’ny telo no maty aloha loatra noho ny loton’ny rivotra iainana. Mampitombo ny tahan’ny aretina sy fahafatesana eto an-toerana ny fiainana anaty rivotra, rano ary tany maloto,

15-déc-2022

Sample post image

araka ny voafaritra ao anatin’ny Drafitr’Asan’i Madagasikara momba ny Fahasalamana sy ny Fahalotoan’ny Rivotra Iainana. Noho izany, manampy an’i Madagasikara hamantatra kokoa ireo endrika isehoan’ny fahalotoan’ny rivotra iainana sy ny ambana aterak’izany manerana ny Nosy ireo manam-pahaizana manokana avy amin’ny governemanta amerikanina. Nisy ny fanaraha-maso nitety vohitra ny kalitaon’ny rivotra iainana nataona ekipana manam-pahaizana manokana amin’ny sehatry ny tontolo iainana, ny fahasalamana ary ny zon’olombelona notanterahina ny 25 novambra hatramin’ny 8 desambra lasa teo, teto an’Antananarivo hatrany Taolagnaro. Ny Dr. Linda Geiser avy amin’ny Sampandraharaha Amerikana misahana ny Ala sy Dr. Lova Marline avy amin’ny Fikambanana Vahatra – Kew Madagascar Conservation Center no nitarika izany. Nanentana ny amin’ny maha-zava-dehibe ny kalitaon’ny rivotra iainana izy ireo nandritra ireo andiana famelabelaran-kevitra natao tao amin’ny Oniversiten’i Fianarantsoa, American Corner Taolagnaro, ary teto amin’ny Masoivoho Amerikana teto Antananarivo. Nandritra izany, nampirisika ireo olom-pirenena siantifika mba handrefy ny loton’ny rivotra iainana, ary koa ireo fokonolona sy oniversite mba handray anjara amin’ny ezaka fanara-hamaso ny kalitaon’ny rivotra. Nitondra fitaovam-pandrefesana ny kalitaon’ny rivotra, napetraka teo ambony tafon’ny fiara nentiny ny ekipa nahafahany nandrefy ny kalitaon’ny rivotra tamin’ireo faritra nolalovany niainga teto Antananarivo, Fianarantsoa, ary nanaraka ny morontsirak’i Mananjary ka hatrany Taolagnaro. Norefesin’izy ireo ihany koa ny kalitaon’ny rivotra ao anatin’ny faritr’ala tao Ranomafana, sy Manombo ary Nahampoana. Ny tanjona lavitr’ezaka dia ny hanamafisana ny fahaiza-manaon’ny Malagasy amin’ny fanangonana ireo antontan’isa ilaina hitantanana ireo loharanon’ny fandotoana ny rivotra iainana, sy amin’ny fiarovana ny fahasalamana sy ny fiveloman’ny mponina. Azon’ny daholobe atao ny mijery mivantana ireo angom-baovao mahakasika ny kalitaon’ny rivotra iainana ao amin’ny tranokalan’ny Masoivoho, amin’ny Twitter, ary ao amin’ny tranonkala AirNow an’ny sampandraharaha Amerikaninaa misahana ny Tontolo Iainana.
Toky R
 

Dans la même rubrique

Card image cap
Faktioran’ny Jirama 305 miliara Ar no mbola tsy naloan’ny Fanjakana
27-mars-2023

Mahatratra 305 miliara Ar ny faktioran-jiro sy rano tsy voaloan’ny Fanjakana amin’ny Jirama amin’izao fotoana izao. Ny MPEF (Mémorandum de Politique Économique et Financière)

Card image cap
Minisitry ny filaminam-bahoaka « Olana teknika no nampiantona ny fanaovana pasipaoro »
24-mars-2023

Efa niverina amin’ny laoniny ny famatsiana sy fanamboarana pasipaoro eo anivon'ny polisim-pirenena rehefa

Card image cap
Tahina Razafinjoelina "Malagasy mifanampy fa tsy mifaninana no ilaintsika"
24-mars-2023

Nous sommes 8 milliards, stop ou encore” na hoe: “8 miliara isika izao, hoferana sa hotohizana ihany ? ”,

Card image cap
CEG Ambohidratrimo Tsy namidin’ny kaominina izany, hoy ny Ben’ny tanàna
24-mars-2023

Nivoaka tamin’ny gazety an-tsoratra iray teto an-drenivohitra andro vitsy lasa izay fa namidin’ny Ben’ny tanànan’Ambohidratrimo ny ampahan’ny tanin’ny CEG ao an-toerana.

Voir plus