Faha-5 taonan’ny

Lanom-be ny teny amin’ny boriborintany faha-6 eto Antananarivo ny faran’ny herinandro teo. Nankalaza omaly 26 novambra mantsy ny faha-5 taonany mantsy ny Firaisankinan’Ambodimita Mikabary, ka nisy ny hetsika lehibe nentina nanamarihana izany, nanehoan’ny rehetra ny hafaliany, ka tena nitotorebika ara-bakiteny ny rehetra. Manamafy hatrany ny fanohanany ny mpisehatra ara-kolontsaina ao anatin’ny faritra iadidiany ny depiote Todisoa Andriampandry, izay mpiahy azy ireo. Ireo mpisehatra amin’ny kabary eny Ambohimanarina sy Antehiroka no nisitraka izany omaly alahady 26 novambra 2023, ka nanamarihana izany, dia nanolotra « Bampap » mpitsoka mozika ho azy ireo sy fanampiana ara-bola ho fampandehanana ny asan'ny fikambanana ny Depiote Todisoa Andriampandry, ho fanehoana fanohanana sy fanampiana azy ireo mba hiroboroboany eo amin’ny sehatra misy azy. Misy rahateo ny fanofanana sy fampianarana kabary eny an-toerana mba hampivelarana ny mponina sy hanandratana ny kolontsaina Malagasy. Nanamarika ny omaly ihany koa ny famoahana ny andiany « Fenohasina », izay nianatra sy nandalina kabary, ka nirary soa sy fahombiazana ho an'ireo mpianatra nivoaka izay fitaratra ho an’ ny fiarahamonina ity olom-boafidy ity. Ny tenany izay maneho hatrany an’ilay hoe : « Andrianiko ny teniko, ny hafa koa feheziko », izay toa mandravona izao fanohanany hatrany ny mpikambary efa an-taonany maro, ary eo ihany koa ny fampianarana teny vahiny tahaka ny teny anglisy, izay vao avy namoaka andiana mpianatra an-jatony latsaka kely vao tsy ela.
Toky R