airtel

Actualités

25-mars-2024

Fampiasana drones eto Madagasikara

Hanamafy ny fitsipika sy fepetra ny ACM...

Sample post image

Mametraka fitsipika mikasika ny fampiasana ny "drones" amin'ny alalan'ny antsoina hoe RAM 10000 (Règlement Aéronautique de Madagascar 10000) ny ACM (Aviation Civile de Madagascar).

25-mars-2024

Tanjona ny hametrahana antoka ao anatin'ny fandrisihana ny fampiasana ny zava-baovao ho an'i Madagasikara, saingy ao anatin'ny fandrindrana mahomby sy maoderina ny habakabaka, izay tafiditra anatin'ny antsoina hoe: UAS hifehezana ny fampiasana ireo voasokajy anatin'ny "systèmes d'aéronef no habité” toy ny drones. Lalàna natao hifehezana sy handrindrana ny "drones" eto amin'ny tanin'ny Firenena Malagasy noho izany ity RAM 10000 ity. Mamaritra ireo sokajina drones, ny fenitra sy fepetra takiana amin'ny fanamaninana, ny fiofanana arahin'ireo mpampiasa azy sy ny lafiny ara-piarovana sy filaminana, ireo dingana arahina mba hahazoana ireo fahazoan-dalana ilaina. Napetraka io fepetra io izay hampiroporoboana ny fisitrahana zava-baovao io, saingy anatin'ny fitandroana ny fitrandrahana ny habakabaka sy ny fiainana manokan'ny vahoaka. Notsipihin'ny ACM fa ny fampiharana ity fitsipika ity Dia mila fepetra fanolanana ho an'ireo mpampiasa drones. Tsy maintsy ampahantarina sy raketina any amin'ny ACM ny mombamomba ny drones ankoatra ireo karazana kilalao na tsy mandeha mihoatra ny 100m sy tsy mihoatra 900g ny lanjany eo am-piaingana. Ny fampiasana ny drones ho asa fitadiavambola dia mila fahazoan-dalana. Mila manaraka fiofanana mifandraika amin'ny fitaovana ampiasaina ihany koa ireo mpanamory. Tsy maintsy manaja ny fepetra apetraky ny rafi-pahefana mandrindra ny habakabaka ireo mpikirakira ireny fitaovana ireny, ary tsy maintsy mamaritra ny antoka ara-pilamin'ny sidina tsy hanohintohina ny hafa. Vinavinaina hihatra manomboka ny febroary 2025 moa ity RAM 10000 novolavolain'ny ACM ity.
Toky R
 

Dans la même rubrique

13-juin-2024

Voafidy ho filoha lefitry ny Fivoriamben’ny Firenena Mikambana faha-79 i Madagasikara

Card image cap
13-juin-2024

Andrasana toa an’Ambatobevohoka amin’izao fotoana izao ny fepetra

Card image cap
13-juin-2024

Saika mirona any amin’ny fanarahana ny lalao baolina kitra iadiana ny amboaran'i Eoropa

Card image cap
13-juin-2024

Zazavavy kely vao 3 taonja monja no fantatra fa namoy ny ainy vokatry

Card image cap
13-juin-2024

Zazalahy kely iray voalaza ho manana fahasembanana no fantatra fa naolana lehilahy

Card image cap
12-juin-2024

Nipoitra ny marina mikasika ny fidiran’ny Prefe-n’i Mahajanga teo aloha tany am-ponja

Card image cap