Actualités

mpaneho hevitra sy famakafakana ao amin’ny tambajotran-tserasera, ary matetika mitsikera sy mitanisa ny lesoka ara-pitantanan’ny Fanjakana. Omaly no tonga tato an-tranony nanao “perquisition” ny zandary 3 lahy, ary nitondra azy. “Nentiny any ny unité centrale (…) Ny fiangaviany dia manainga ny fiarahamientana avy aminareo namany rehetra mba ho tonga “1ère heure” eny amin’ny Fitsarana rahampitso maraina…", io no hafatra voalaza fa nataon’ny reniny. Mahakasika an'ilay kaonty hosoka "Stanley ramaro" nampiasa ny sariny no voalaza fa antony nanaovana famotorana sy nitazomana azy. Raha izay tokoa, dia izy lasibatra indray izany no mizaka ny tsy nataony? Raha ny ambaran’ny pejy mpanohana fitondrana kosa dia izy no lazain’izy ireo fa tompon’ny kaonty antsoina hoe: “Rano Mangotraka” izay manao ompa sy variraraka ao amin’ny tambajotran-tserasera ka isan’ny tena tratran’izany ny olona ambony sy mpitondra Fanjakana. Omaly alina anefa, mbola niasa sy nandeha, ary namoaka vava io Kaonty Rano Mangotraka io. Misy ny lalàna mifehy ny tambajotran-tserasera sy ny heloka atao aminy, ary tena ilaina ny fandraisana fepetra. Ny zavatra tsikaritra anefa, toa misy fitanilana ihany ny fampiharan-dalàna momba an’io. Izay manohintohina ny fitondrana ihany no mety ho voabeda. Tsy miaro izay mety ho manao ny tsy mety, fa azo heritreretina ihany koa ny fisiana zavatra hamboamboarina na “coup monté” hoentina mamely izay mety ho kendrena manokana na “cible”. Manao izay danin’ny kibony kosa ny kaonty fako tsikaritra ho ny mpomba ny fitondrana no ao ambadika, ary tsy fatratra ny fanompana, fanalam-baraka, fanasoketana,… atao an’ireo izay tsy mitovy hevitra amin’ny fitondrana. Efa nisy fotoana, ohatra, tamin’ny aprily 2020 nosandohana ny anaran’ny Filoha teo aloha Marc Ravalomanana, ary nanaovana fanambarana diso amin’ny anaran’ny Antoko TIM, nitory ny Filoha teo aloha fa tsy nisy tohiny. Tahaka izany ihany koa ny tamin’ny febroary 2021 nanozonana io filoha teo aloha io ho faty hoe: “Mandria am-piadanana”, izay nisy fitoriana fa tsy nisy tohiny. Ny fehiny, tsy miaro na iza na iza fa toa izay tiana hopetahana ihany no voapetaka amin’ny heloka an’habaka eto.
Toky R