airtel

Actualités

27-janv-2023

Actualités

Fiakaran’ny reniranon’i Sisaony Hisy famindran-toerana faobe noho ny loza manambana

Sample post image

Namoahana fampitandremana sy fampiomanana tamin’ny alalan’ny filazana loza manambana ny faritra maro amin’ny lemak’Antananarivo izay lalovan’ny reniranon’i Sisaony.

27-janv-2023

Niakatra be mantsy ny rano, nahatratra 2,68 m ny haavon’i Sisaony teo Ampitatafika omaly alakamisy 26 janoary 2023, rahatoa ka 2,50 m no fetra manomboka hanambarana fa misy ny loza manambana, araka ny mari-pandrefesan’ny APIPA (Autorité pour la protection contre les inondations de la plaine d’Antananarivo). Novinavinaina hidina ihany anefa io tao anatin’ny 12 ora, saingy niaraha-nahita ny mbola fitohizan’ny rotsak’oranaHo an’Ikopa kosa, teo amin’ny 1,17m ny haavony teo Anosizato, 2,37m teny Ambohimanambola, ary 3,86m kosa teny Bevomanga. Rehefa tonga eo amin’ny 3,00m ny haavony eo Anosizato, 3,50m ny eny Ambohimanambola, ary 4,00m ny eny Bevomanga no tafiditra ao amin’ny loza manambana ny reniranon’Ikopa. Noho ny fiakaran’i Sisaony, kaominina 18 no voakasika mivantana ary nahazo fampitandremana : Tsiafahy, Antsahadinta, Bongatsara, Antanetikely, Ambohijoky, Alatsinainy Ambazaha, Ampahitrosy, Soalandy, Ampanefy, Soavina, Anosizato Andrefana, Ampitatafika, Ambahavahaditokana, Fenoarivo, Itaosy, Ambohitrimanjaka, Fiadanana, Ampangabe.
FAMINDRANA OLONA FAOBE
Mifandraika amin’io, nisy ny fivoriana maika hoan’Analamanga tety amin’ny BNGRC Antanimora omaly tolakandro ho fiomanana ny amin’ny fandrindrana ny famindrana olona faobe eny amin’ny toerana rehetra izay hita fa iva amin’ny faritra andalovan’i Sisaony dia ny eny amin’ny Distrikan’ Atsimondrano sy ny manodidina izany. Fivoriana izany notarihan’ny Tale Jeneraly sy Tale Jeneraly lefitrin'ny BNGRC ary natrehan’ireo tompon’andraikim-panjakana isan-sokajiny. Noresahina sy notapahany tao anatin’izany ny pitsopitsony rehetra ara-teknika izay ilaina mahakasika ny famindrana faobe (ny toerana hifindrana) dia ireo filàna fototra (rano , toeram-pidiovana sy fivoahana ; latrine,…) , ny fiambenana ny teorana hialana sy toerana hifindrana sy ireo fitaovana maro isan-karazany (fiara, mégaphone…).
Toky R
 

Dans la même rubrique

19-juil-2024

Tontosa omaly tetsy Anosy ny fivoriamben’ny mpitsabo nentim-paharazana eto Madagasikara na ANTM.

Card image cap
19-juil-2024

Tsy misy manana teti-bola manokana hiatrehana ny fialan-tsasatra lehibe ny ankamaroan’ny

Card image cap
19-juil-2024

Andeha ho ravana ny tsy fitoviana. Eo am-pelantanantsika mandrakariva ny fiovana” hoy Ramatoa Mbavhi

Card image cap
19-juil-2024

Havadika ho gaz bio-methane sy zezika bio-composte ny fakon’Andralanitra manomboka izao.

Card image cap
18-juil-2024

Mila manao politika isika rehetra izao, hoy ny filohan’ny vondrona politika

Card image cap
18-juil-2024

Raha voalaza fa nahazo praiminisitra vaovao isika, hoy ny antoko politika FLN na Front de libération nationale,

Card image cap