Actualités

hoy ny sekretera jeneralin’ity antoko ity, Elia Rabevahiny, ilay lazaina hoe mpamatsy anatiny an’I Madagasikara. Manana ny fomba fijeriny manokana mikasika ireo lazaintsika fa mpamatsy vola mahazatra ireo moa ny Otrikafo. Adihevitra goavana tao ny mikasika ny jono na “accord de pêche”. Ohatran’ny manamaivana izany isika nefa nosy. Ny ankamaroan’ireo firenena maka ny hazandranomasintsika dia mpikambana ao amin’ny vondrona eoropeanina toy ny portogey sy frantsay ary espaniolina. Misy fatiantoka naterak’izay tany aloha rehetra tany ka hatramin’izao. Tsy mbola nisy fitondram-panjakana nahavita nametraka fepetra mazava hoe tsy ilay vola no zava-dehibe ao amin’ilay fifanarahana fa hoe ahoana no hahafahantsika manara-maso ireo sambo maka ny hazandranomasintsika eto? Mila ampahafantarina hoe misy vola tokony hiditra amin’ny kitapom-panjakana izay miodidina ny 800 tapitrisa Euro hatramin’ny 1 miliara Euro very vokatry ny tsy fahasahian’ny fitondram-panjakana malagasy mametraka izay fifanarahana mazava tsara izay. Raha mipetraka mazava tsara anefa ny fifanarahana dia mety mbola hihoatra izany ny vola hiditra ao anaty kitapom-bolam-panjakantsika. Tokony fepetra takiantsika voalohany ny hoe tsy maintsy misy tantsambo malagasy miasa anatin’ireny sambo mifanaraka amintsika ireny. Tsy tokony ekena intsony ny hoe sady fitehirana hazandrano ireo sambo no sady karazana indostria kely hamadihany azy ho ambihifotsy ao. Iny indray avy eo no averiny eto dia vidiantsika lafo. Tokony eto amintsika ihany no haodina ireo hazandranomasina azon-drizareo. Azo atao tsara amin’izay ny mametraka any Antsiranana hatrany Taolagnaro orinasa manodina ny hazandranontsika. Famoronana asa miankina amin’ny finiavana politikan’ny mpitondra izany. Mahagaga ihany ny maheno ny minisitry ny jono sahy miteny hoe fananana iombonana ny hazandranomasina ao amin’ny fari-dranomasintsika. Na ny “Thon” na hazandrano hafa no tiany lazaina dia tsy mitombona foana izany satria toy ny milaza hoe ny hazandranon’olona any amin’ny faridranomasiny koa izany azontsika alaina fotsiny amin’izao, hoy hatrany ny antoko politika Otrikafo.
J. Mirija