airtel

Actualités

08-mars-2022

Actualités

Guy Rivo Randrianarisoa « Foana ve ny trafika rehefa tsy misy kodiarana ny valizy ? »

Sample post image

Tao amin’ny tambazotran-tserasera no nilazan’ny depiote sady minisitra teo aloha Atoa Guy Rivo Randrianarisoa, fa efa roa taona izay no nangiana ka tsy niresaka momba ny politika eto amin'ny tanàna.

08-mars-2022

« Fa ity kosa zalahy tena mahalasa eritreritra ahy ary mampanontany tena ahy ka hametrahako ireto fanontaniana ireto ho anareo filoha, praiminisitra, minisitra rehetra nanapa-kevitra tao amin'io filankevitry ny minisitra tamin'ny 23 febroary 2022 io. Rehefa hesorina ve tompoko ilay kodiarana amin'ny valizy dia tsy hisy intsony izany ilay famoahana antsokosoko ireo harenantsika toy ny volamena ohatra? Fa maninona no tsy misy izany any amin'ny tany hafa kanefa dia mampiasa valizy misy kodiarana daholo ny mpandeha eran-tany? Fantatrareo ve fa ny "ordinateurs portables" sy ny batteries lithium » dia tsy azo alefa any amin'ny entam-be anaty "soute" fa tsy maintsy entina miakatra anaty « cabine » ary savaina tsara mihitsy rehefa mandalo fisavana, eran-tany io mialoha ny hiakarana anaty fiaramanidina. Ary ao anatin'ny fitsipika izay harahan'ny ACM (Aviation Civile de Madagascar) izany satria izy mpikambana ao amin'ny OACI (Organisation de l’Aviation Civile Internationale). Fahatelo sady farany, mino ve ianareo tao am-pivoriana tao fa ny fanarahana ireo fepetra nataonareo ireo tokoa no hanafoana tanteraka ny famoahana ireo harena ireo ? » hoy ity minisitra teo aloha ity. Tena ny “intelligence » ato amiko mihitsy no voadona ka mampanontany tena ahy hoe « Bac-» firy aho izany raha tena izay no marina hoy hatrany i Guy Rivo Randrianarisoa. Nampahatsiahy moa ny tenany fa nanatrika filankevitry ny minisitra ihany, ary tadidiko tsara, hoy izy, fa tena henjana sy avo lenta ny fanontaniana hapetraky ny Praiminisitra (io izy io mbola Praiminisitra io) tamin'izany rehefa dosie mandalo ka hiadiana hevitra ? Lohavehitra isan’ny niteraka adihevitra goavana tato ho ato io resaka fepetra nambara fa hisakanana ny trafikana harem-pirenena io. Fepetra sy fanapahan-kevitra zary lasa ataon’ny olona fihomehezana. Lasa mason-tsivana handrefesan’ny olona ny fahaizan’ny mpitondra sy ny manampahefana eto amin’ny tany sy ny firenena hoe : tena izao ve no fari-pahatakarana sy fari-pahalalana ? Atao mahagaga ve raha miha mikorosy fahana hatrany ny firenena.
Toky R
 

Dans la même rubrique

21-juin-2024

Tamin’ny fifidianana filoham-pirenena no efa niteny izahay fa tokony alamina aloha ny tokontanim-pifidianana,

Card image cap
21-juin-2024

Mikaroka hatrany ny hevitra hanomezana fahafam-po ny mpanjifa ny PHO Resto,

Card image cap
21-juin-2024

Zokiolona 1.500 isa nanomboka omaly Alakamisy 20 Jona no nozaraina fanomezana

Card image cap
20-juin-2024

Ny herinandro voalohan’ny volana mey no vaky am-batolampy, niparitaka ny horonan-tsary maneho ny fehetsika

Card image cap
20-juin-2024

Andro vitsy lasa izay no notokanana ny torapasika voatrolombelon’i Miami

Card image cap
20-juin-2024

Niditra an-tsehatra nanao hetsika fanadiovana sy fanalàna tsikafona amin’ny toerana

Card image cap