tia tanindrazana

Parution du Vendredi, 27 Janvier 2023

airtel

Actualités

Hafari malagasy “Hisintaka amina toerana tsy misy mpanelingelina aloha izahay”

Taorian’ny resaka fanamboarana ny kianjan’Anosizato dia miroso hatrany amin’ny asa fitarihana ny fikambanana Hafari malagasy, hoy ny filohany, Jean Nirina Rafanomezantsoa.

25-nov-2022

Sample post image

Hitodika kokoa anaty fambolena, indrindra, fiompiana izahay anatin’izany, hoy izy. Fambolena voanjo sy katsaka no tanjona. Ezahana ny hiala amin’ny resaka boriboritany fahahefatra sy Ankazobe fa hanao izany any amin’ny faritra Arivonimamo sy Analavory. Efa fantatra ny fifanenjehana sy fifampihantsiana lava. Ireo fitaovana nentinay nanamboarana ny kianjan’Anosizato no ho entinay miaraka amin’ireo tanora ary tena tanora no ho entinay mandray anjara betsaka amin’izany fambolena izany. Voanjo satria iarahantsika mahalala ny fiakatry ny vidina menaka avy any ivelany. Ny mena-boanjo eto Madagasikara anefa dia tena mandray andraikitra lehibe anaty fahasalamana. Azo omena ny biby fiompy ny faikany. Ny katsaka indray sady azo hanina no afaka omena ireo biby fiompy. Tanjona, noho izany, ny hananganana asa anaty fotoana fohy eo amin’ny resaka fiompiana sy fihariana mahakasika ny menaka. Manomboka rahampitso (TTF: anio) dia hiditra amin’izay izahay ary ny ankoatrany moa dia ny fambolen-kazo fihinam-boa marobe fiarovana ny tontolo iainana satria miha ritra ny loharano. Ialana amin’ny mpamosavy sy mpanelingelina dia hisintaka amina toerana lavitra tsy misy mpanelingelina aloha izahay hahazoana vokatra. Atahorana aoriana kely ao io resaka sakafo io. Tsy afaka hiala amin’ny boriboritany fahahefatra aho nefa satria teto no nahalatsahan’ny tavoniko. Mazava tsara ny resaka taratasy any ary tsy ho alainay ho anay ireo tany fa ireo mpamboly no ezahana hitondrana tekinisianina sy masomboly hampitana fomba amam-panao dia hivadika fandresena ilay izy avy eo, hoy hatrany ny tenany.
J. Mirija
 

Dans la même rubrique

Card image cap
Kaominina Moramanga Manjaka ny fanamparam-pahefana
27-janv-2023

Tsy manana ben’ny tanàna voafidim-bahoaka I Moramanga Renivohitr’i Bezanozano, fa ben’ny tanàna mpisolo toerana napetraky ny fanjakana no misy.

Card image cap
Fiakaran’ny reniranon’i Sisaony Hisy famindran-toerana faobe noho ny loza manambana
27-janv-2023

Namoahana fampitandremana sy fampiomanana tamin’ny alalan’ny filazana loza manambana ny faritra maro amin’ny lemak’Antananarivo izay lalovan’ny reniranon’i Sisaony.

Card image cap
Andro ratsy Mikorontana ihany koa ny aterineto
27-janv-2023

Andrasana indray moa ny fanazavan’ny tompon’andraikitra fa dia ankoatry ny fikorontanan’ny famatsiana herinaratra

Card image cap
FETIN’NY MPIFANKATIA Maro ireo fanomezana azo hatolotra ny olon-tiana
26-janv-2023

Efa saika miomankomana amin’ny fankalazana ny fetin' ny mpifankatia indray ny rehetra amin’izao faramparan’ny volana Janoary izao.

Card image cap
Vokatry ny rivodoza Niakatra ho 8 ny maty, 17 tsy hita popoka
26-janv-2023

Nivory maika ireo tompon’andraikitra eo anivon’ny birao nasionaly misahana ny loza voajanahary na ny BNGRC omaly hariva.

Card image cap
Tranga tsy dia fahita firy Omby saika hovonoina nirifatra namonjy faty iray
26-janv-2023

Niely omaly ny fisiana tranga tsy dia fahita tany Tafiankasika Ambilobe iny. Nisy mpivaro-kena iray nandeha nividy omby, nentiny tany amin'ny “abbatoire”

Voir plus