Actualités

Manentana antsika, hoy izy ireo, hizara izany satria misy vahaolana tokoa, ohatra, arosonay mikasika io olan’ny JIRAMA io. Ny olom-pirenena no tena tompon’ny fahefana eto amin’ity firenena ity amin’ny maha repoblika antsika. Rehefa tonga koa ny fifidianana dia fahefana mihitsy ilay mifidy. Aza ariariana fotsiny ny fahefanareo amin’ity indray mitoraka ity fa tena ampiasao ary tsarao izay mamitaka sy mandainga ary manao ny tsy mety eto amin’ny firenena. Nanana olom-boafidy miisa 3 izahay tanaty vondrona Komba teto anivon’ny tan0nan’Antananarivo. I Balita moa nivadika lasa nanohana ny mpitantana ankehitriny. Nandrasana kendry tohana mihitsy ny olom-boafidy anankiroa dia Toavina Ralambomahay sy Hilda Hasinjo na hivadika TIM na hivadika IRK fa tsy niova tamin’ny fotokeviny ireo hatramin’izao. Tsy nizara T Shirt na vola na siramamy izahay nandritry ny vanim-potoanan’ny fifidianana. Voaporofo teo amin’ny tantara politika izany fa tsy voatery mizara izany vao lany. Ho tohizanay izay fomba fiasa izay. Ho tohizanay ny fitaizanay ny olom-pirenena amin’ny fotokevitra, ny fomba fiasa, asa tanterahan’ireo olom-boafidinay ireo. Manana kandida ho mpanolontsain’ny tanàna, ben’ny tanàna, solombavambahoaka ny HE Mada amin’ity. Izay aloha no azo ambara, hoy hatrany izy ireo.
J. Mirija