Mivelatra amin’izao tontolo izao ny hetsika amin’ity taona ity, hoy ny fanazavana, satria dia handray vahiny avy any Soisa, Frantsa, Italia isika. Hisy koa ny hiditra mivantana avy any Inde. Hitondra ny lohahevitra hoe “Ary raha” izany amin’ity taona ity satria io no voambolana heverina ho mahadika ny atao hoe “design” amin’ny teny malagasy. Mamolavola toe-javatra sy toe-tsaina izay “Ary raha” izay. Maro ny fampirantiana ho aseho amin’io fotoana io. Isany ny fanorenana sekoly eny Mahitsy, izay toerana saro-dalana nefa mendrika sekoly tsara. Mpahaitaotrano malagasy sy frantsay no hiaraka hamolavola azy io. Aorian’izay ny atao hoe “Ecole du non savoir” na sekolin’ny zavatra tsy fantatra. Tetikasa hampifandray sekoly maromaro maneran-tany toy ny eto Madagasikara, Pologne, Italia, Frantsa izy io. Ho an’I Madagasikara manokana dia tanora nianatra ny Sorabe no hitondra ny hoe ahoana no hamolavolana ny Sorabe ho sady soratra no angovo hamolavola toetsaina. Fahatelo ny resaka fanaka an-tanan-dehibe, raha atao dika malalaka. Fahaefatra ny hoe manenona lamba, manenona fifandraisana iraisampirenena na “Tisser les lamba, tisser les liens”. Fanontaniana mipetraka ny hoe hionona amin’ny vokatra famarotra eto an-toerana fotsiny ve isika sa hiroso bebe kokoa amin’ny tsena iraisampirenena? Ny faha 5 ny hoe « Ady gasy », izay iarahan’i Dieudonné Razafinjatovo sy Ernesto Rosa no miara-miasa mamolavola izany, hoy hatrany ny fanazavana.
J. Mirija
Ankoatra ny tany Toamasina izay nolazaina fa misy olana ny fampifandraisana ny
Efa namono olona 6 (1Mananara Avaratra, 1 Vavatenina, 1 Toamasina II, 3 Maroantsetra)
Tovolahy iray mpianatra ho zandary ao amin’ny Sekolin'ny Zandarimariam-pirenena na ny EGNA Ambositra
Miharatsy hatrany ny fitrangan’ireo karazana fanolanana misy eto amintsika ankehitriny.
Ao anatin'ireo hetsika hatao manerana ny Nosy hanamarihana ny hetsi-pahatsiarovana ny 29 Marsa 1947,
Olana mandavan-taona! Mikorontana indray ny famokarana herinaratra