Actualités

pirenena fahiny no sady nilaza ho vato namelan-kafitra mikasika ny vohitr’Ambohitrandriananahary eny Alasora, izay vohitra iray manan-tantara nampimpongatra ny fanjakana Merina rehetra toerana ilevenan’Andriamananintany ity toerana voalaza teo ity. Nisy omaly ny fitafan’ny fikambanana Zon’olombelona mampandroso vahoaka sy ny taranaky ny teraky ny vohitr’Ambohitrandriananahary tamin’ny mpanao gazety tonga teny an-toerana fa ny fanjakana sy fitondrana Malagasy dia mila miotra hanana fampandrosoana amin’izay. Ny zava-misy anefa dia mahatsiaro ho potika ny taranaky ny terak’ity vohitra ity, hoy ny filohan’izy ireo, Chandoutis Raoera. Vahiny no nahazo ity vohitra ity satria dia nisy namarotra ho an’ny sinoa. Vohitra niandohan’ny fanjakana Malagasy anefa teto. Ampahan-tany amin’ny iray amin’ireo tendrombohitra masina miisa 12, hoy hatrany ny fanazavana. Mila politika ara-kolontsaina mazava mihitsy, noho izany, hoy izy ireo, ny fiarovana ny vohitra masina manerana ny nosy mba tsy hitondra any amin’ny fahapotehan’ny firenena manontolo. Nanao antsoavo ho an’ireo manam-panahy sy manam-pahefana isan’ambaratongany, noho izany, izy ireo satria ny 31 desambra alina teo no nitondra “engin” na “bull”, izany hoe, fitaovana iasana ny tany an-tsokosoko tao ireo sinoa. Hamaritana ny tany, izany hoe, hanaovana “lotissement” sy “terrassement” no antony. Raisinay ho famonoana ny hasin’ny Malagasy izany. Mangataka ny manam-pahefana hijery ny toe-draharaha sy ampitsahatra tsy misy hatak’andro ny asa kasain’ny sinoa ho atao eny an-toerana. Mba hianaro ny an-drizareo japoney izay nametraka an’i Kioto ho “Capital du Japon imperial”, izany hoe tsy nikitika ny vakoka ny tao mihitsy, hoy hatrany izy ireo, raha te hanana firenena vanona isika.

 J. Mirija