Jean-Marc Koumba

izao ny zoma teo, hoy ny mpiambina manokana ny filoham-pirenena teo aloha Marc Ravalomanana, Jean-Marc Koumba. Nisy fotoana, hoy izy, tao ireo mihevitra fa tompon'ny fahefana rehetra mihitsy. Nanjakazaka tsy nitsinjo ny hafa. Manao ramatahora sy antsojay ireo manelingelina azy. Manao fitaovana ireo vahoaka efa mandohalika. Nihevitra fa ny vola sy ny fifandraisana matanjaka ananany dia hahatonga azy tsy ho azo atao na inona na inona. Manana ny fitsarany manokana nefa ny fiainana. Arakaraky ny hisondrotantsika anaty avonavona, fizahozahoana, tsy fahamarinana no tsy hahazakana ny fianjerana ao aoriana ao. Voasambotra ao Maorisy izao ny iray. Ny iray hafa, rehefa avy filoha malagasy, dia nanary ny zom-pirenena maha malagasy azy fa lasa frantsay tanteraka. Toy ny mahazatra moa, anatin'ny fotoana toy itony, dia tsy hita popoaka avokoa ireo namana tsy nifankafoy taloha. Ohatran'ny nataon'i Jodasy tamin'i Jesoa. Mampahatsiahy antsika foana ny tantara fa tsy maintsy mahazo famaizana izay mamadika vahoaka! Hiala ny sarotava ary io vahoaka io dia miandry ny valin'ny nataon'izay rehetra namitaka azy, hoy hatrany ny lehilahy.
Nangonin'i J. Mirija