Joseph Yoland “Famotehana an’I Nosy be ny fahitanay azy”

Ny an’ny filoham-pirenena dia fomba hanaovana propagandy amiko, hoy izy. Nosy be no toerana fandehanan’ny mpizahantany voalohany eto amintsika. Maninona no tsy tamin’ny fiandohan’ny taom-piasana no niteny zavatra maro fa tsy izao? Famotehana an’i Nosy be no fahitanay azy. Nosy be tsy mila zavatra ankoatran’ny efa misy ao aminy hampandrosoana ny fizahantany ao. Tokony hanao fakan-kevitra mikasika ny atao hoe fanorenana ifotony ny filoham-pirenena. Manova lalampanorenana rehetra avy eo. Manana zom-pirenena vahiny io filoham-pirenena io ka raha hiteny ny vahiny hoe tsy azo atao ny mampandroso ny firenena avy nozanahana dia izay no ahiana arahany, hoy hatrany ny tenany.
J. Mirija