KAOMININA

Mbola betsaka amin'ireo kaominîna ambanivohitra eto amintsika no mañana olana amin'ny resaka hazavana. Vitsiana ireo misy jiro ny Fokontany ao aminy indrindra fa ireo manazava ny elakelan-trano. Ho an'ny kaominina Ampanefy, distrikan' Atsimondrano manokana dia fantatra fa mbola tena mila izany izy ireo ho fiarovana ny ain'ny mponina sy ny fananany. Tonga nanolotra ny anjara jiro ho azy ireo Ramatoa Voahangy Raharimanarivo, solombavambahoaka voafidy tao amin'ity distrika iray ity. Tafiditra tao anatin'ilay CIAD taona 2024 ho an'ireo kaominîna 26 isa mandrafitra ny distrikan'Atsimondrano moa izao fanolorana fanampiana izao. Notoloran-dRamatoa solombavambahoaka dabilio misy tongony vy koa ireo sekoly vitsivitsy ao an-toerana. Tsy maharaka ny isan'ireo mpianatra intsony mantsy ireo dabilio efa nisy teo aloha no sady efa tranainy. Hafatra napetrany ny Ben'ny tanana ho an'ireo mponina ao an-toerana ny hoe : mahaiza mañana sy mankasitraka mba ho tombontsoan'ny taranaka faramandimby.
Pati
Légende : Nandritra ny fanolorana ny jiro !