tia tanindrazana

Parution du Vendredi, 25 Novembre 2022

airtel

Actualités

Ketakandriana Lehiben’ny Transparency eto Notorian’ny matretre amin’ny fanondranana “litchis”

Taorian’ny ampamoakan’ny TI-IM (Transparency International - Initiative Madagascar) momba ny ahiahina kolikoly avo lenta momba ny fanondranana “litchis”

24-nov-2022

Sample post image

avy eto madagasikara nakany amin’ny Vondrona Eoropeanina tao anatin’ny 10 taona, dia notorian’ny GEL (Groupement des Exportateurs de Litchis) ny Sekrtera Mpanatanteraky ny TI-IM Rtoa Ketakandriana Rafitoson. Fanalam-baraka amin’ny zavatra tsy mitombina, fanendrikendrehana, fanaratsiana, fanakorontanana,… no vesatra itoriana azy, ka nisy omaly ny fampanantsoana sy fanadihadiana nataon’ny Polisy ekonomika azy. Raha hiverenana, ny 10 novambra teo no nanao ampamoaka ny Transparency International, fa misy ny tranga maro ahiana ho endriky ny kolikoly goavana, ampihimamba, heloka ara-toekarena mikasika ny fanondranana “litchi”. Nametraka fitoriana teny amin’ny PAC (Pole Anti-Corrumption) sy tany amin’ny PNF (Parquet National Financier) any Frantsa izy ireo. Nilaza mantsy ny Transparency International fa gejain’olom-bitsy ity sehatra ity, ary ny fikarohana nataony no nahitana porofo fa maro tokoa ny mety ho fandikan-dalàna samihafa toy ny kolikoly amin’ny sehatra iraisam-pirenena, fifanarahana tsy ara-drariny, fandosiran-ketra, famotsiam-bola ary fanafenana tsotra izao ireo fandikan-dalàna ireo. Isan’ny noresahan’izy ny fahazoan’ny orinasa Frantsay roa tamin’ny fomba tsy mazava ny fanondranana litchi Malagasy makany amin’ny Vondrona Eoropeanina ny 2011 hatramin’ny 2021 sy ny fandoavan’ireo latsakemboka tamin’ny GEL kanefa ireo tsy orinasa Malagasy. Toy izany ihany koa ny fananganan’ny GEL orinasa LTC (The Litchi Trading Company Ltd) atsy Maorisy izay nambaran’ny TI-IM fa vao mainka nampihena ny mangarahara. Tsy misy tena tamberiny mankaty Madagasikara ny volan’ny fanondranana,… Voasokajy ho isan’ny orinasa ananan’ny Vondrona Eoropeanina ahiahy ara-ketra io LTC io, raha ny ampamoaka ihany.
MIJERY AKAIKY NY IRAISAM-PIRENENA
Tsy mikoso-maso ihany koa ny GEL etsy andaniny, izay efa nilaza fa tsy mitombina sy fanaratsiana ny natao, ka efa nilaza ny hifampitady ara-pitsarana raha ilaina, ka dia io manao valin-kafatra ara-pitoriana io. Mihalalina noho izany ny raharaha ary ifamaliana bontana satria sokajiana ho olona goavana sy mpanefoefo ary manan-katao na koa hoe “matretre” no ao anatin’ny GEL, ary heverina fa tena mahatoky ny tanjany na ara-bola na ara-pahefana. Etsy andaniny anefa, mivelatra eo amin’ny sehatra iraisam-pirenena ny Transparency International. Vao nipoitra ity raharaha ity, dia voalaza fa misy firenen-dehibe manara-maso sy mijery akaiky ny fandehan-draharaha. Nisy aza ny fanehoan-kevitra iray nilaza fa nisy fiaramanidina roa avy misy iraky ny firenen-dehibe iray nipetraka tany Antsiranana tamin’ity volana ity. Voalaza fa mijery sy manara-maso akaiky ary manadihady raharaha mafana eto Madagasikara, ka tafiditra ao anatin’izany ity dosie Transparency International ity. Misy ny maneho, fa efa karazana fikitihana ny tsy fikitika io karazana famakiana ady amin’ny Transparency io. Heverina fa misy ifandraisany amin’ny tontolo politika, diplaomasia, jeopolitika.
Toky R
 

Dans la même rubrique

Card image cap
Analamalotra, Toamasina II Tsy handefitra ireo milaza ho tompon’ny tany
25-nov-2022

Nametraka fitarainana any amin’ny Nonce Apostolika ny tompon’ny tany ao Analamalotra, Toamasina II, hoy ny fampitam-baovao voaray omaly.

Card image cap
Hivoaka anio ny tombana momba ny Jirama Fifanilihana no betsaka, ny delestazy tsy resy
25-nov-2022

Telo andro na efatra andro lasa no namaly hafatra farany ny Tale Jeneraly mpisolo toerana eo anivon’ny Jirama Atoa Rivo Radanielina, ary eto Antananarivo raha ny nambaran’ny Minisitry ny angovo sy ny akoran’afo omaly.

Card image cap
Fanenjehana an-dry Ketakandriana Nanaovan’ny Iraisam-pirenena tambabe ny fanjakana
25-nov-2022

Nitohy omaly teny amin’ny Polisy ekonomika ny fakana am-bavany an-dRtoa Ketakandriana Rafitoson Sekretra mpanatanteraky ny TI-IM (Transparency International-Initiative Madagascar)

Card image cap
Tetezana Amboay Ambositra 12 lahy tsy ampy taona nanolana vehivavy iray
25-nov-2022

Trangam-piarahamonina isan’ny nanamarika ity herinandro ity ny fanolanana nataona tovolahikely miisa 12 ny vehivavy iray voalaza fa efa ampy taona.

Card image cap
Hafari malagasy “Hisintaka amina toerana tsy misy mpanelingelina aloha izahay”
25-nov-2022

Taorian’ny resaka fanamboarana ny kianjan’Anosizato dia miroso hatrany amin’ny asa fitarihana ny fikambanana Hafari malagasy, hoy ny filohany, Jean Nirina Rafanomezantsoa.

Card image cap
Sehatra tsy miankina Entanina hamokatra izay angovo ilainy
25-nov-2022

Notanterahina tetsy amin’ny Carlton omaly ny andiany faha-6 amin’ny Fiaraha-midiniky ny Rafi-panjakana sy ny Sehatra tsy miankina, nokarakarain’ny EDBM.

Voir plus