LALAM-PIRENENA VOALOHANY

Mahatsiaro mangirifiry ireo mponina any amin'ny lalam-pirenena voalohany vokatry ny tsy fisian'ny herinaratra. Voakasik'izany ny ao amin’ny kaominina ambanivohitra Ampasamanatongotra, ao amin’ny distrikan’i Miarinarivo, Faritra Itasy. Nidina an-dalambe izy ireo vokatr'izany naneho ny fahatezerany afak'omaly Talata 10 Martsa hariva. Araka ny vaovao voaray dia nandoro kodiarana teny amin’ny arabe ireo mponina ho fanehoana ny fahatezerany sy fitakiana vahaolana haingana. Tapaka vokatr'izany mihitsy ny lalam-pirenena RN1, ka niteraka fitohanana goavana tamin’ny fifamoivoizana ho an’ireo fiara sy mpandeha nandalo tamin’iny lalana iny. Mitaky ny hamerenana haingana ny herinaratra sy fanazavana avy amin’ny tompon’andraikitra ireo mponina noho izany. Misy fiantraikany amin’ny fiainana andavanandro sy ny asa fiveloman'izy ireo mantsy ilay fahatapahan-jiro maharitra izay efa nahatratra 5 andro be izao.
Pati
Légende : Ireo olona nigrevy omaly !