airtel

Actualités

22-mai-2023

Actualités

Leo delestazy Nanakan-dàlana ny mponina teny Ivato

Sample post image

Tapaka lava ny jiro eto Ivato. Maizina ny tanàna. Tezitra amin'ny JIRAMA ny olona ka nigrevy.Miandrandra hazavana ny mponina, miandry ny Jirama amin'ny tanàna maro.

22-mai-2023

Tonga haingana ny mpitandro filaminana nandamina. Voafehy ny fitokonana”, hoy ny famintinana ny tranga teny Ivato omaly fa madiva ho alina. Noho ny fahatapahan-jiro lava eny an-toerana mantsy, nidina an-dalambe nanakan-dàlana ny olona, izay tofoka tanteraka. Tsy vao sambany ny fahatapahan-jiro lava amin’ny fokontany maro eny Ivato, ny fisitrahana rano moa dia fijaliana tsy roa aman-tany ho an’ny ankabeazan’ny faritra hany ka matetika amin’ny 1ora na amin’ny 2ora maraina no tsy maintsy mifoha raha te hahazo rano. Ny fotoana handehanany amin’io zara raha misy ora vitsy. Vao tapa-bolana lasa no nigrevy nanakan-dàlana ny mponina teny Andranomena satria leo sy tofoka tanteraka, ary io niitatra teny Ivato io. Ny an’Antananarivo Renivohitra moa dia tena niha nahery vaika indray ny fahatapahana tamin’iny faran’ny herinandro teo iny. Toa tsy mba hita any anaty faktiora anefa ireny fahatapahana ireny, ny vahaolana moa toa lavitry ny kitay ny afo, tsy arakaraka ny fanenjehana sy fanakianana ny mpitondra teo aloha. Asa raha mba tsaroan’ny Filoha ankehitriny Andry Rajoelina ilay nolazainy tamin’ny 2018 hoe: 400MW fotsiny ny vitan’ny mpitondra nifanesy tao anatin’ny 60 taona fa ny ahy izaho irery no hanao 400MW ao anatin’ny 5taona? Lainga sy famitahana vahoaka ve hisy ohatr’ireny dia izao mbola mieritreritra fa mbola hahomby ny tahaka izany? Moa tsy izy ireo izao no tompondakan’ny delestazy?
Toky R
 

Dans la même rubrique

18-juil-2024

Mila manao politika isika rehetra izao, hoy ny filohan’ny vondrona politika

Card image cap
18-juil-2024

Raha voalaza fa nahazo praiminisitra vaovao isika, hoy ny antoko politika FLN na Front de libération nationale,

Card image cap
18-juil-2024

Tsy misy toerana tsy ahitana harena an-kibon’ny tany eto Madagasikara, raha tsy hilaza afatsy ny volamena, vatosoa, solika mavesatra,…

Card image cap
18-juil-2024

Nanamafy ny fandraisany anjara tao amin’ny « Forum des Nations Unies sur le Développement Durable »

Card image cap
18-juil-2024

Isan’ny zavatra tena ilain’ny fiarahamonina malagasy ankehitriny ny Fanabeazana,

Card image cap
18-juil-2024

Ny 25%-n’ny Malagasy monja sisa no mba manana sora-piankohonana eto amintsika amin’izao taona 2024 izao.

Card image cap