airtel

Actualités

09-nov-2022

Actualités

Minisiteran’ny angovo Hanadihady tsirairay ireo mpiasan’ny jirama

Sample post image

Mbola lavitry ny kitay ny afo amin’ny fivahan’ny delestazy. Na voalaza hatrany aza fa mbola ny 15% amin’ny tokantrano Malagasy no misitraka herinaratra, dia mbola tsizarizary,

09-nov-2022

ary arakaraka ny hampanantenana no vao mainka miharatsy ny tolotra. Nilaza ny ministry ny Angovo, Andry Ramaroson omaly, fa "ny fahombiazana na ny fahapotehana dia avy amin'ny olona. Raha manana olona tsara ka na tsy misy vola aza mahay mitady vola. Raha sendra olona ratsy ny kely efa misy eo no potika.", hoy izy. Noho izany, nambara fa nanapa-kevitra izy sy ny Filan-kevim-pitantanana ny hanao "entretien" tsirairay ireo tomponandraikitra ambony ao amin'ny Jirama mahakasika ny asany sy ny manodidina an'izay. Nilaza izy fa havoakany amin'ny sabotsy izao ny vokatr'izay fihaonana ka misy ny hatsahatra amin'ny asany, misy ny hanohy, misy ihany koa ny hanaovana fanadihadiana manokana. Efa betsaka ny raharaha hafahafa tao amin’ny Jirama, toy ny voalaza fa nizaran’ny mpitantana vola hatrany amin’ny 1 miliara nifampizaran’ny mpitantana ambony manodidina ny 25, araka ny dosie niparitaka tany amin’ny jona 2021, ny fanamboarana zaridaina nandaniana vola manodidina ny 1 miliara Ar, ny raharaha fahaverezana solika 64 000 L,… Raha ny tatitry ny Minisiteran’ny toekarena sy ny fitantanam-bola vao roa herinandro lasa teo izay, dia lohalaharana amin’ny orinasam-panjakana bokan-trosa satria mahatratra hatrany amin’ny 3 317 miliara Ar, raha ny tatitra. Fampanantenana no betsaka niainga tany amin’ny propagandin-dRajoelina izay nanao vava be ny 2018 fa nisy ny “mpampiesona” nampanantena fa 3 volana dia mivaha ny delestazy, saingy tonga avy eo ny “Tena mpampiesona” nampanantena 400MW ao anatin’ny 5 taona; mbola nampiany tamin’ny 10 janoary 2022 fa afaka 6 hatramin’ny 8 volana dia ho foana ny delestazy ka mila miaritra kely Antananarivo; mbola nampian’ity Minisitra ankehitriny ity ny 18 febroary 2022 fa tokony ho afaka tanteraka afaka iray volana ny delestazy; nambara indray ny volana oktobra teo fa aorian’ny fipetrahan’ny milina faha-4 na G4 tao Andekaleka, ary ny farany dia ny nambaran’ny Filoham-pirenena fa tsy niteny izy fa ho foana ao anatin’ny 6 volana, fa amin’ny 2027-2028 any satria amin’izany no hiodina ireo toby famokarana lehibe. Nilaza ny Filoha tany amin’ny COP 27 omaly fa hampiakatra avo roa heny ny famokarana herinaratra, saingy aleo tsiahivina hatrany fa raha ireo tetikasa lehibe andrasana ny fahavitany, dia ny Fanjakana HVM no nahitana ny tetikasa Sahofika 200MW eo sy Volobe 120MW. Fivahan’ny olana no andrasan’ny olona, fa tsy kisehoseho sy fampanantenana miaro serasera lava!
Toky R
 

Dans la même rubrique

13-juin-2024

Voafidy ho filoha lefitry ny Fivoriamben’ny Firenena Mikambana faha-79 i Madagasikara

Card image cap
13-juin-2024

Andrasana toa an’Ambatobevohoka amin’izao fotoana izao ny fepetra

Card image cap
13-juin-2024

Saika mirona any amin’ny fanarahana ny lalao baolina kitra iadiana ny amboaran'i Eoropa

Card image cap
13-juin-2024

Zazavavy kely vao 3 taonja monja no fantatra fa namoy ny ainy vokatry

Card image cap
13-juin-2024

Zazalahy kely iray voalaza ho manana fahasembanana no fantatra fa naolana lehilahy

Card image cap
12-juin-2024

Nipoitra ny marina mikasika ny fidiran’ny Prefe-n’i Mahajanga teo aloha tany am-ponja

Card image cap