Actualités

 Baomiavotse Raharinirina ny fihetsem-pony ny sabotsy lasa teo no ny afo nidedaka tao amin’ny taninjanakazo ao Marohogo Mahajanga. Mbola nampiany hoe: fifandrifian-javatra sa fanahy iniana natao ? Tsara ho marihana fa mbola miady amin'ny afo any amin'ny valanjavaboahary any Ankarafantsika (RN4) ny ekipan'ny Tontolo Iainana sy ny Zandarimariam-pirenena any Boeny, ny Fokonolona, ny Fikambanana mpiara-miombon’antoka, ny mpitantana ny Faritra arovana....dia may ihany koa ity toerana misy ny fambolen-kazo iarahan'ny Ministeran'ny Tontolo Iainana sy ireo orinasa tsy miankina na Fiangonana na Fikambanana ao Mahajanga ity.Mampanontany tena ihany , hoy ramatoa minisitra raha iniana atao avokoa izao, na tena vokatr'ilay tsy fitandremana. Nisaotra manokana ny Minisitry ny fampianarana ambaratonga ambony sy fikarohana ara-tsiansa Elia Béatrice Assoumacou, nanolotra mpianatra mpirotsaka an-tsitrapo 100 mahery, hanampy ny MEDD amin'ny famonoana afo ao Ankarafantsika ny minisitry ny tontolo iainana.Mampieritreritra tokoa ity trangana doro tanety lasa mateti-pitranga ity; ary tokony hampandinin-tena ny rehetra: na ny olom-pirenena tsotra tsy resy lahatra amin’ny fandaminana sy fepetra apetraka io, na ny manampahefana sy mpitondra fanjakana tsy mety mahita vahaolana mahomby momba ny doro tanety.
RTT