Tsy mifaninana akory izahay samy mpamorona, hoy izy, fa ny olana kosa dia ny fandikan’ireo mpaka tahaka na mpanao “confection” ny asanay. Ny asa famoronanay no alain-drizareo dia amidiny mora be. Nanahirana ny nanangana orinasa ho ahy manokana satria 5 volana teo izay no tena nivelomako tamin’ny asa famoronana akanjo, izany hoe, tato anatin’ny fotoanan’ny krizy ara-pahasalamana mihitsy, hoy hatrany ity mpanao gazety teo aloha vao 26 taona ity. Ny karama rehetra voaangona tamin’ny mbola nanao gazety no natontona tany daholo. Fanintelony namoaka vokatra na “collection” izahay izao fa ny roa voalohany angamba no navoaka isam-bolana. Ny iray farany vao navoakanay ny fiandohan’ity desambra ity kosa no tena nakanay bahana nandritry ny 3 volana teo. Ny manaraka izay angamba mbola hakanay bahana lavitra satria arakaraka ny fandehan’ilay asa no mila fanovana fomba fiasa hafa, izany hoe mampiditra zavatra hafakely kokoa hanatsara ilay izy. Miisa 10 isaky ny “collection” eo no havoaka kanefa koa io miankina amin’ny zavatra tiana tantaraina satria ny anay ny fitantarana ny natiora sy tontolo iainana no tena atao. Miisa 30 eo ny vokatra efa navoaka ary misy manjifa hatrany aloha hatreto ankoatran’ireo hiaka farany navoakanay, hoy hatrany ny tenany, na dia eo aza ilay olana voalaza teo aloha teo.
J. Mirija
Legende: Andrianina Rasolomampionona, eo anivon’ireo famoronany
Ankoatra ny tany Toamasina izay nolazaina fa misy olana ny fampifandraisana ny
Efa namono olona 6 (1Mananara Avaratra, 1 Vavatenina, 1 Toamasina II, 3 Maroantsetra)
Tovolahy iray mpianatra ho zandary ao amin’ny Sekolin'ny Zandarimariam-pirenena na ny EGNA Ambositra
Miharatsy hatrany ny fitrangan’ireo karazana fanolanana misy eto amintsika ankehitriny.
Ao anatin'ireo hetsika hatao manerana ny Nosy hanamarihana ny hetsi-pahatsiarovana ny 29 Marsa 1947,
Olana mandavan-taona! Mikorontana indray ny famokarana herinaratra