Actualités

izay naneho an-taratasy omaly 23 jona 2021, fa tamim-pahatairana sy alahelo no nahitany ny vaovao nivoaka an-tambajotra miendrika fanompana, niresahana ny toe-javatra any atsimon’ny Nosy. Nampifandraisiny tamin’ny sarin’ny Malagasy ary nambarany fa ny vahoaka any Androy dia mihinana kiraro mba ho velona, hoy ny taratasin’ny governora. Tsiahivina ny tenin’I Gail Borgia, izay adika tsotsotra hoe: “Hafatra ho an’Atoa Filoha mamim-bahoaka, fantatrao ve fa misy amin’ireo mponina no mihinana akora hoditra avy amin’ny mpanao kiraro, sy mitanika hoditr’omby (eny tena namaky tsara ianao) satria izy ireo dia tena matin’ny hanohanana ? Manangona fakona hoditra, ary mitanika izany amin’ny rano sy sira na koa manatono izany saingy tena sarotra tsakoina sy atelina. Mihevitra aho fa tena mandona hatrany anaty kanefa manindrona ihany koa. Tena zava-misy ary aty amin’ny taona 2021”, hoy moa io vaovao navoakan’ity mpanao gazety ity io, izay narahiny sary. Ny kere sy ny tsy fanjarian-tsakafo izay mahazo ny any Atsimon’ny Nosy dia tsy tokony ho lohahevitra hoenti-mivoy sy manaparitaka vaovao diso sy hanompana ny kolontsaina Malagasy, ary indrindra ny an’ny Antandroy, hoy kosa ny ny governora. Amin’ny maha mpanao gazety matihanina azy, tokony ho fantatr’I Rtoa Borgia fa ny hoditr’omby, ny omby izay maneho ny fomban-drazana Malagasy, ny fandrahoana azy, fa fady kosa ny hoe kiraro, izany hoe tena tsy azo ampifandraisana amin’ny resaka sakafo. Amin’ny andavanandro aza, tsy azo atao ny manitsaka ny lambanana hihinana,… Notondroina ho manodinkodina ny tena zava-misy marina sy manompa ny kolontsaina Malagasy, ary manararaotra ny fahorian’ny Malagasy hoenti-mampalaza tena eo anatrehan’ny vahoaka i Gail Borgia.
VALIN-KAFATRA
Mbola namoaka valin-kafatra sy horonan-tsary nentina nanamarihana ny zavatra navoakany kosa i Gail Borgia taorian’io tenin’ny governora io. Horonantsary izay maneho sefo fokontany manamarina ny zava-misy, raha ny hita tao amin’ny horonantsary. “Afaka makany amin’ny mpanamboatra kapa, vavolombelona ry zareo mpihinana ireo”, hoy ny sefom-pokontany iray. Tsy mahalala ny zava-misy marina ao amin'ny faritra hiadidiany ve izany ny Fitondram-panjakana ao Ambovombe Androy ? hoy ny valin-kafatra. Mety hahita loza amin’ny manam-pahefana ilay sefom-pokontany sahy naneho, fa tena misy ny fihinana akora avy amin’ny mpanao kiraro. Voizina moa ankehitriny, fa zavatra noforonina iny nataon’i Gail Borgia iny, ary olona notambazana ny nanao izany. Horoahin’ny Fanjakana hiala an’i Madagasikara ary ve i Gail Borgia izay tsy vao izao no namoaka vaovao tsy levon’ny vavonin’ny mpitondra toy ny tamin’ny raharaha volamena 73,5 kg ?
Toky R