Olan’ny tsena ao Antehiroka

Toky Harilanto Andrianarivelo, dia nilaza ny solontenan’ireto mpivarotra ireto fa maneho fisaorana ny ben’ny tanàna izy ireo noho ny fanekeny hihaino ny hetahetan’izy ireo. Nifanarahana, hoy ireto mpivarotra ireto, fa ho ampidirina anaty tsena avokoa ny mpivarotra rehetra fa tsy misy mahazo mivarotra intsony amoron-dalana. Ekena ny tsy hisiana mpanelanelana ny tsena toy ny mpivarotra lamba aty ambadika sy mpivarotra voankazo amin’ny sisin-dalana. Miara-miditra anaty tsena ny mpivarotra rehetra. Angatahina, hoy hatrany ny solontenan’ireo mpivarotra, ny tsy hanisiana sendikan’ny tsena intsony fa aleo ny ben’ny tanàna no sady lehibenay no reny mpiahy anay. Angatahana ny handravana ny tsena ambony rihana mba hahafahan’ny rehetra miditra sy hampazava ny tsena. Tsy nahitàna vokany, hoy izy ireo, ny fisian’ny fikambanan’ny mpivarotra hatramin’izay fa miteraka savorovoro eo amin’ny samy mpivarotra. Raha misy grevy dia ny lehiben’ny tsena no mitondra tatitra any amin’ny kaominina. Rehefa nandeha ny nefa ny fandaminana mikasika ny kaominina teo dia tsy nahazo vaovao marina mihitsy ny mpivarotra. Misy ny mbola nivarotra amoron-dalana, misy ny tsy nivarotra. Tsy nekenay izany, hoy hatrany izy ireo, satria mampalahelo ireo tsy afaka nivarotra. Niara-nanamafy moa ny teo anivon’ny kaominina sy ireto mpivarotra ireto fa nifanekena ny hampidirana ny mpivarotra rehetra anaty tsena.
Nangonin’i J. Mirija