Actualités

 Ny ampitson’izay ihany moa dia nanitsy ny mpisolovava azy fa tsy nitsoaka izy akory fa miteraka anatina klinika iray. Niatrika fampanoavana ny alin’ny 24 febroary teo moa ny raharaha ary nampidirina am-ponja vonjimaika teny Antanimora vokatr’io ity voapanga ity. Ankoatran’izay dia firaisana tsikombakomba amina afera toy ny resaka volamena sy fanerana amin’ny afera maizina no isan’ny iampangana azy. Isan’ireo voarohirohy niaraka taminy ihany koa ny koa ireo voalaza ho teratany “Karana” roalahy antsoina hoe Koufali Daya sy Stephan Khamis, ankoatran’olon-kafa maro hafa. Raha tsiahivina dia niatomboka tamina resaka horonampeo naha voasaringotra ny minisitry ny fitsarana teo aloha, Imbiki Herilaza, ity raharaha ity. Hiakatra fitsarana anio moa ny raharaha raha ny fantatra. Hipoitra ve ny marina sa tsia ?
J. Mirija