airtel

Actualités

31-oct-2022

Actualités

Ramamonjisoa Florentin Pascal « Mety ho lafo Madagasikara raha omena zom-pirenena ny vahiny »

Sample post image

Nanao totoafo tato ho ato ny fanehoan-kevitra momba ilay lalana hodinihina eny anivon’ny Antenimieram-pirenena mikasika ny fanomezana zom-pirenena Malagasy ireo tera-tany vahiny eto amintsika.

31-oct-2022

Naneho ny heviny mifandraika amin’izany ny faran’ny herinandro teo Ramamonjisoa Florentin Pascal, mpandinika raharaham-pirenena. Nambarany fa ahiana ho lafo amin’ny ambongadiny mihitsy i Madagasikara iray manontolo afaka 20 na 30 taona raha toa ka misisika amin’ny fandaniana io lalana io ny solombavambahoaka. Mbola tsy mahazo ilay zom-pirenena aza ireo vahiny ireo hoy izy dia efa tena potika sahady ny Malagasy. Faritana ny tany ery, vidiana ny tany ety…Tsy tokony izany no hahamaika ny Fitondram-panjakana hoy hatrany ity mpandinika ny raharaham-pirenena ity fa ny famahana ny olan’ny Malagasy mpiray tanindrazana, indrindra fa ny sosialy toy ny fanomezana asa ny vahoaka, ny fampidinana ny vidim-piainana….Mikasika ireo vahiny efa nonina teto amintsika hatramin’izay kosa ary efa hilevina eto mihitsy aza dia nambarany fa azo omena ilay zom-pirenena ihany ireny saingy tsy maintsy arahi-maso akaiky sao sanatria ihany koa miketrika fanambakana na fitsetsefana. Anjaran’ireo andrim-panjakana roa lehibe eto amintsika araka izany ny mandinika izay tokony hataony. Amin’ny ankapobeny mantsy dia saika samy manahy ny amin’ny mety hahalafo an’i Madagasikara avokoa ny rehetra raha toa ka lany eo tokoa io fanomezana zom-pirenena Malagasy ireo tera-tany vahiny io.
Pati
Legende : Ramamonjisoa Florentin Pascal, mpandinika raharaham-pirenena
 

Dans la même rubrique

12-avril-2024

Tsaboina ao amin'ny CHRR Maintirano ny zazavavy kely iray niharan'ny fanolanana,

Card image cap
12-avril-2024

Tsy matoky io fitondrana mpanao amboletra io izahay, hoy ny antoko politika Kristianina manao politika.

Card image cap
12-avril-2024

Niakatra fitsarana omaly Alakamisy 11 Aprily raha ny loharanom-baovao azo ilay raharaha

Card image cap
11-avril-2024

Na dia nanao fanambarana aza ny antoko politika Natiora fa ahemotra amin’ny fotoana manaraka ilay hetsika antsoina hoe Tazana

Card image cap
11-avril-2024

Volamena milanja 450 grama mahery fantatra fa manana taha-pahadiovana mihoatra ny 98% taorian'ny fitiliana teo

Card image cap