Actualités

Niteny ny rafitra iraisampirenena momba ny asa na OIT, hoy izy ireo, hoe fanitsakitsahana ny fifanarahana iraisampirenena 87 sy 98 io ataonareo amin’i Sento. Nalefa ny taratasy tany amin’ny praiminisitra fa dia miziriziry eo. Tsy hay moa hoe inona no tiany hahatongavana fa dia mitohy aloha izany ny anay ny tolona. Ny zoma izao dia hisy ny diabe ho fanamarihana ny andro iraisampirenena amin’ny ady amin’ny herisetra anaty toeram-piasana. Hitaky indray isika hoe avoahay izao dieny izao i kamarady Sento! Inona indray no kononkononinareo ao amin’io CNaPS io? Ny raiamandreny tokony hisotro ronono hampisotroinareo tangena, ny Tsaradia ahoana ihany, ahoana indray ity resaka taratasy tsy misy ity dia hoe tsy omena fisy fanamarihana ny vola raisiny ireo raiamandreny? Izany rehetra izany iandrasana valiny daholo. Fa maninona no ovaina ilay paikady sa izay indray no hahafahana mangala-bola ao? Inona indray no kononkononina hamotehana ny CNaPS? Lazainareo fa ny mpanjifa foana anefa no omena lanja ao anatin’ilay fitantanana, hoy hatrany ny Randrana sendikaly.
J. Mirija