Nohamafisina nandritra izany ny tokony hivoizana sy hampiharana hatrany ny resaka miralenta eny anivon’ny fiaraha-monina izay nambaran-dRtoa Taitsy Hangeseva, tompon’andraikitry ny serasera eo anivon’ity ONG iray ity fa efa manomboka maharesy lahatra mpanao gazety maro. Raha tsiahivina kely ny hatao hoe : genre dia fahasamihafana napetraky ny fiaraha-monina mahakasika ny lahy sy ny vavy. Anisan’ireny ohatra ny filazana hatrany fa fanaka malemy ny vehivavy, tsy mahazo miasa, manao raharaha foana rehefa ao an-trano sy ny hoe : tsy maintsy tompoina ny lehilahy, ireto farany foana no manapa-kevitra ao an-tokantrano, tsy tokony hanao raharaha izy ireny…. Ezahina foanana mihitsy izany mba ho tombontsoan’ny firenena ho an’ny ONG C for C. Mampiakatra avy hatrany ny fiharin-karena mantsy ny fahafahan’ny vehivavy miasa sy mampidi-bola ao an-tokantrano. Toraka izany koa ny fandraisany andraikitra amin’ny raharaham-pirenena fa tsy voatery ho an’ny lehilahy foana…. Efa in-telo niatrika fiofanana tahaka izao moa ireto mpanao gazety am-polony ireto ary efa saika hita taratra amin’ny lahasoratra soratany na ny vaovao havoakany avokoa izany fanajana sy fampiharana ny miralenta eny anivon’ny fiaraha-monina izany.
Pati
Legende : Nandritra ny fiofanana natrehin’ireo mpanao gazety teny Andrainarivo omaly
Mbola tsy misy jiro any Sambava hatramin’ny omaly, mbola miandry ny fahatongavan’ny solika avy any Antalaha !
Na kandida tanaty fitondrana aza nisy tsy nahazo ilay taratasin-ketra «211 bis» ary maro,
Zazalahy kely iray vao 13 taona monja, mpianatry ny sekoly tsy miankina MDF Bealanana no hita faty
Lehilahy iray 36 taona, monina ao amin'ny Fokontany Mangabe no fantatra fa nanaparitaka
Nodimandry teo amin'ny faha-77 taonany ny Tale jeneralin'ny Apipa teo aloha Rateloson Philippe.
Tsy resaka mandeha intsony fa tena rakotra tera-tany Karana Indo-Pakistanais ao anatin’ny distrikan’Antananarivo Atsimondrano.
