Actualités

simika tokoa nahafaty ireo trondro. "Efa nahazo ny valin'ny fanadihadiana nataon’ny ny laboratoaran’ny Ivon-toeram-pirenena misahana ny siansa sy teknika nokleary (INSTN) sy Rafitra nasionaly miandraikitra ny rano sy ny fanadiovana ary voamarina fa tsy avy amin'ny fitrandrahana ataon'ny QMM ny nahafaty ireo trondro anaty renirano fampiasa sy fiveloman'ny mponina », hoy kosa Atoa Noely Martino Tompon'andraikitra misahana ny fampivoarana ny sosialin'ny ao amin'ny QMM. Mametraka ny ahiahiny ho trangan- javatra efa voaomana moa ny any an-toerana satria efa in-droa nitranga tao amin'io toerana io. Mbola andrasana kosa ny famoahan'ny fitondram-panjakana ity valim-pitiliana ity amin'ny fomba ofisialy, ary voalaza fa mbola hanao fitiliana fanampiny (analyse supplémentaire). Andrasana izany ny tatitra ofisialy eo anatrehan’ny resaka mifamahofaho. Misy ambadika politika ve ny raharaha ? Vahaolana fohy ezaka hamerenana amin'ny laoniny haingana ny fitrandrahana fasimaintay ataon'ny orinasa QMM any Taolagnaro ny fanomezana tohana ara-bola isan'andro reo mponina voakasiky ny asa. Fandaminana nifanarahan'ny roa tonta vokatry ny fifampiresahana mivantana izay noelanelan'ny fitondram-panjakana ho fikatsahana ny tombotsoa iraisan'ny rehetra. "Homena vola mitentina 50 000 ariary isan'andro mandritra 55 andro eo ireo mponina voakasiky ny asa fitrandrahana mivantana. Misy telonjato no voamarina, hatreto, fa hisitraka izany. Tsara ny mampahatsiahy fa mandoa honitra hatrany hatramin'ny nonombohana niasany ny QMM araka takian'ny lalàna mifehy ny fitrandrahana harena an-kibon'ny tany, hoy ny fanamarihana. Efa mahatratra sivy miliara ariary ny vola naloan'ny orinasa", hoy hatrany i Noely Martino, tompon'andraikitra misahana ny fampivoarana ny sosialy ao amin'ny QMM.
MIVERINA TSIKELIKELY
Miverina tsikelikely ny asa ao amin'ny toeram-pitrahanana any Taolagnaro, amin'izao fotoana izao. Manomboka manjono ihany ireo mponina any an-toerana. Efa nomen'ny minisiteran'ny Jono alalana hiandrika rahateo ireo mpanjono nanomboka tamin'ny alahady lasa teo". Tsy mampiasa akora simika ny ao QMM fa manao "séparation electro-statique" , hoy hatrany ny fanamafisana.
(sary fanehoana)
Nangonin’i Toky R