airtel

Actualités

13-févr-2024

SAMBAINA MANJAKANDRIANA

Nahazo milina fanodinana tantely

Sample post image

Nahazo milina fanodinana tantely manara-penitra ao Sambaina Manjakandriana.

13-févr-2024

Ankoatra ny tantely voadio sy ara-pahasalamana afaka mifaninana tsara eo amin’ny tsena dia mamokatra savoka, labozia manitra, vokatra fikojakojana tarehy sy menaka fanosotra isan-karazany avy amin’ny tantely koa ity taninketsa indostrialy ity. Anisan’ny maodely amin’ireo ODOF (One District One Factory) fanodinana tantely izy satria efa nanana traikefa teo amin’ity seha-pihariana ity ny Iloo, mpandraharaha voafantina hitantana ny orinasa. Tamin’ny faran’ny herinandro teo no notokanan’ny Minisitry ny Fampiroboroboana ny indostria sy ny Varotra (MIC) Edgard Razafindravahy ity Taninketsa Indostrialy afaka manodina tantely 100 kilao isan’ora ao Sambaina Manjakandriana ity. “Ireo mpiompy tantely, mpamokatra tantely no hisitraka ilay Tetik’asa hataontsika. Hataontsika izay hahazoan’ireo tantsaha ireo tombony”, hoy izy nanoloana ireo tompon’andraikitra samihafa sy solontenan’ny kaoperativa ary mpiompy tantely. Tsy misy antony hametrahana Tetik’asa toy ny ODOF raha sanatria ka fatiantoka no hitranga. Tsy hijanona eo amin’ny distrika intsony fa hidina hatrany amin’ny kaominina ny fampiroboroboana ny indostria eny ifotony. Ankoatr’ireo milina fanodinam-bokatry ny tantsaha 75 efa tonga ary tsinjaraina amin’ny distrika sy kaominina samihafa dia ho avy koa ny fitaovana hahafahana mametraka Taninketsa Indostrialy miisa 100 vokatry ny fiaraha-miasa amin’ny Governemanta Indiana.
Pati
Legende : Nandritra ny fitokanana ilay milina !
 

Dans la même rubrique

17-mai-2024

Nitombo 12% tamin’ny volana aprily teo raha oharina ny tamin'ny volana aprily 2023 ny mpizahatany

Card image cap
17-mai-2024

Taorian’ny Minisitry ny filaminana anatiny herinandro latsaka izay nidina teny amin’ny seranam-piaramanidina Ivato,

Card image cap
17-mai-2024

Vehivavy iray tombanana ho 30 taona eo ho eo no hita faty tao Fitroafana Talatamaty,

Card image cap
17-mai-2024

Nisokatra tamin’ny fomba ofisialy omaly 16 mey tetikasa telo vaovao eo amin'ny sehatry ny tontolo iainana,

Card image cap
16-mai-2024

mpitondra mahalala ny filàm-bahoaka sy tena laharampahamehana, vahoaka tsy sakana fa hery,

Card image cap
16-mai-2024

Raikely iray indray no voamarina fa nanolana ny zana-badiny vao 13 taona,

Card image cap