Actualités

fahafaham-po tamin’ny fifanarahana nisy teo amin’ny Fanjakana sy ny orinasa QMM taorian’ny fanaovazana ny fifanarahana. Voalaza fa tsy afa-po tamin’ny drafitra sosialy tamin'ilay Filankevitry ny minisitra ny 21 jona lasa teo, ka misy ireo olona sosotra sy namelona sakoroka, ka voatery niditra an-tsehatra ny mpitandro filaminana. Voalaza fa mety hisy hatramin’ny fisamborana satria voatery nivory nandinika ny toe-draharaha ny OMC (Organe Mixte de Conception). Etsy andaniny, namoaka fanambarana ny QMM fa niharan’ny herisetra sy ny fanakorontanana. “…Nisy ny fidirana antsokosoko ary ny sakan-dalana tsy ara-dalàna ny toeram-pitrandrahan’i QMM. Izany dia taorian’ny fametrahana sakan-dalana roa amin’ny lalana manamorona ny QMM, nanomboka ny alatsinainy 26 jona lasa teo. (…) Manameloka tanteraka ireo herisetra rehetra i QMM. Mba hiantohana ny fandriam-pahaleman’ireo mpiasa sy ireo fotodrafitrasa, nanapa-kevitra ny QMM ny hampiato vonjy maika ireo asa famokarana, mandra-piverenan’ny fitoniana hahafahana. Raha hiverenana ny ampahan’ny fifanarahana vaovao ao anatin’ny 25 taona: nofoanana ny fandoavan'ny fanjakana ny volan'i QMM mitentina 77.2 tapitrisa dolara nampindraminy ny fanjakana; nofoanana ilay trosa 3 tapitrisa dolara ananan'ny QMM amin'ny Jirama; hando12 tapitrisa dolara amin'ny fanjakana ny QMM amin'ity 2023 ity ho fizarana tombom-barotra mialoha (Paiement de dividende anticipée);; mandoa 8 tapitrisa dolara ny QMM ho fanampiana amin'ny fanamboarana ny RN13 (109Km); manomboka amin'ity 2023 ity ka hatramin'ny 2030 dia tsy maintsy mandoa zara tombom-barotra 40% isan-taona amin'ny fanjakana ny QMM na mbola tsy tafaverina aza ny renivola nampiasainy teto. Ary manomboka ny taona 2031 ka hatramin'ny 2048 dia miakatra 60% izany. Mbola hananan'ny orinasa reniny Rio Tinto vola mitetina 704 tapitrisa dolara anefa ny QMM. Ho an’ny lafiny sosialy, nofaritana fa hakarina ho 4 tapitrisa dolara ny vola tsy maintsy hampiasain'i QMM amin'ny lafiny sosialy ary hasiana fiakarany 2% isan-taona izany. 500.000 dolara ho an'ny fambolen-kazo; 13 tapitrisa dolara no vola tsy maintsy hatokana ho fikirakirana ny rano maloto hateraky ny fitrandrahana. Rehefa hiroso amin'ny fitrandrahana ao Petriky ny QMM dia mandoa vola 3,3 tapitrisa dolara amin'ny fanjakana avy hatrany; rehefa hiroso amin'ny fitrandrahana ao Sainte-Luce ny QMM dia mandoa vola 15 tapitrisa dolara amin'ny fanjakana avy hatrany; Voatana ny fepetra ara-ketra afa-tsy ny “Taxe professionnelle” sy ny IFPB izay efa tsy misy intsony. Asaina mametraka foibe famokarana angovo azo havaozina mitentina 50 tapitrisa dolara anatin'ny 5 taona ny QMM; Ho fiarovana ny tontolo iainana dia manao fampiasam-bola mivantana 5 tapitrisa dolara ny QMM mba azahoana ny “crédit carbone”. Mividy “crédit carbone” 10 tapitrisa dolara amin'ny fanjakana ihany koa ny QMM.

Tsy vao sambany ny sakoroka natao tamin’ny QMM hatramin’ny nisiany, ary ahiana ho tonga hatramin’ny fisintahany raha tsy voalamina. Isan’ireo orinasa goavana mamelona olona maro, mampidi-bola ho an’ny Fanjakana, miantoka ny fahamarinan-toeran’ny Ariary anefa io. Ny herinaratra ao Taolagnaro, ohatra, dia ny QMM no heriny,…
Toky R