Tezitra fa tsy mba nomena vola

Nisy olona hita faty tao Ambohimiadana Ambatofahavalo ny 28 Febroary teo ary niharan'ny vono mahatsiravina tokoa. Lehilahy lehibe iray 74 taona no lasibatra tamin'izany. Hamonjy anton-dia no nivoahany ny trano ka narahin'ny zafikeliny 24 taona, nilanja angady avy aoriana itsy voalohany.Rehefa tonga teo Mahimandry/Ambohimiadana dia notaperin'ity tovolahy ny ain'ilay Raibeny. Novelesiny ny angady ilay Rangahibe. Rovitra ny sofina roa, tapaka ny taolan-tsandry havia sy havanana, feno ratra lalina maromaro ny lohany, vaky ny karan-dohany. Najanony teo anilan'ilay razana ny angady efa tapatapaka ny zarany. Rehefa vita izany vono olona izany dia nandositra ary namonjy ny biraon'ny zandarimaria ny nahavanon-doza. Fantatra fa nivaro-pananana ilay rangahibe ary tsy mba nahazo ny anjarany ity tovolahy zafikely ity. Tezitra noho izany izy ka nitsiry tao an-tsainy ny hamono ny raibeny ary notanterahiny tsy tamim-pisalasalana izany. Atolotra ny fitsarana mba handray ny valin'asany ny nahavanon-doza aorian'ny famotorana hatao.
Pati
Légende : Ity ilay nahavita nandatsaka ny ain'ny dadabeany !