raha araka ny fanadihadiana natao tamina ivon-toeram-pitsaboana iray. Ankoatra ireo voan’ny sery sy ny gripa mahery izay lasa mivadika ho tazo mihitsy dia tsy vitsy ireo mikohoka sy marary kibo. Raha araka ny fanazavan’ny mpitsabo Mandimbison Rija dia vokatry ny fiovaovan’ny toetr’andro no antony mahatonga izany. Mangatsiaka ny maraina, mafanabe amin’ny atoandro ary manorana raha vantany vao hariva ny andro. Betsaka ireo vatan’olombelona tsy mahazaka izany raha araka ny fanazavany hatrany ka ilana tohana avy amin’ny alalan’ireo karazan-tsakafo be otrik’aina. Tokony ho hita ao anatin’izany ireo sakafo ahitana ny sokajy telo dia ny proteina ahitana ny hena sy ny trondro, ny gliosida toy ny vary sy ny katsaka ary ny lipida. Tafiditra ao anatin’ireo ny fihinanana legioma sy voankazo isan’andrp miampy ny torimaso ampy tsara izay tokony ho adin’ny 8 isan’andro, ary ny fisotroana rano. Fa ankoatra izay dia mampahatsiahy ny rehetra ihany koa ity mpitsabo ity fa efa madiva hiakatra izao ny vary ka tokony samy hitandrina ireo olona manana aretina sempotsempotra toy ny asma. Tena mampihetsika io karazan’aretina io mantsy ilay fofom-bary miakatra iny ka ilana fitandremana be.
Pati
Legende : Tokony hohanina betsaka ny voankazo sy ny legioma
Mbola tsy misy jiro any Sambava hatramin’ny omaly, mbola miandry ny fahatongavan’ny solika avy any Antalaha !
Na kandida tanaty fitondrana aza nisy tsy nahazo ilay taratasin-ketra «211 bis» ary maro,
Zazalahy kely iray vao 13 taona monja, mpianatry ny sekoly tsy miankina MDF Bealanana no hita faty
Lehilahy iray 36 taona, monina ao amin'ny Fokontany Mangabe no fantatra fa nanaparitaka
Nodimandry teo amin'ny faha-77 taonany ny Tale jeneralin'ny Apipa teo aloha Rateloson Philippe.
Tsy resaka mandeha intsony fa tena rakotra tera-tany Karana Indo-Pakistanais ao anatin’ny distrikan’Antananarivo Atsimondrano.
