airtel

Actualités

08-févr-2023

Actualités

Tontolon’ny fitsarana Manambana higrevy faobe indray ny mpiraki-draharaha

Sample post image

Manambana hanao fitokonana faobe indray ny Sendikan’ny mpiraki-draharahan’ny fitsarana satria tsy nisy vahaolana, fa vao mainka aza fandrahonana no voarain’ny sendika, hoy ny mpitarika.

08-févr-2023

Efa tapitra mantsy ny fe-potoana napetraky ny Sendika, araka ny fifanarahana tamin’ny Minisitera. Nisy fampanantenana ka nampitsaharana ny fitokonana tamin’ny novambra 2022, saingy tsy araka ny nantenain’ireo mpiraki-draharaha ny vokatra, raha ny nambaran’izy ireo. « Raha tena tany tan-dalàna I Madagasikara, ny minisitra ve mba manaraka lalàna hoe: naoty hanovana lalàna? Taratasy tsotra ifanaovana minisitra no mahatapaka karama ka izany ve no manara-dalàna? Mitaky minisitra mahatapa-kevitra sy mahavaha olana satria ny Minisitra anay dia efa nampitondra hafatra tamin’ny alalan’ny depiote iray ny Minisitra hoe: tsy manana vahaolana ny Fanjakana fa tsy misy vola, fa raha mihetsika ny mpiraki-draharaha dia sazy no omena azy ireo raha misy ny fihetsehana”, hoy ny Filohan’ny Sendikan’ny Mpiraki-draharaha. Milaza hitaky hatramin’ny farany ny fandoavana ny karaman’ireo mpiraki-draharaha 57 izay nambaran’izy ireo fa notapahana tsy ara-dalàna ihany koa ny sendika. “Ho mafimafy kokoa ary tsy ho voafehin’ny rindrin’efatra intsony izahay, fa hivoaka an-dalambe ho eny amin’ny Minisiteran’ny fitsarana eny Faravohitra na ny Minisiteran’ny vola. Handeha ho eny izahay hitaky an’io, avelao ataon’ny Fanjakana izay ataony fa izahay efa vonona hiatrika izay atao anaty”, hoy ny hatrany ireo mpiraki-draharahan’ny fitsarana. Hisy moa ny fivoriamben’nyy Mpiraki-draharahan’ny Fitsarana ny 24 febroary 2023 izao, hanapahan’izy ireo ny tohin’ny fitakiana. Ahiana hisy indray izany ny fikatsoan’ny raharaham-pitsarana noho ny fitakiana sendikaly izay tsy mety tapitra.

Toky R
 

Dans la même rubrique

17-mai-2024

Nitombo 12% tamin’ny volana aprily teo raha oharina ny tamin'ny volana aprily 2023 ny mpizahatany

Card image cap
17-mai-2024

Taorian’ny Minisitry ny filaminana anatiny herinandro latsaka izay nidina teny amin’ny seranam-piaramanidina Ivato,

Card image cap
17-mai-2024

Vehivavy iray tombanana ho 30 taona eo ho eo no hita faty tao Fitroafana Talatamaty,

Card image cap
17-mai-2024

Nisokatra tamin’ny fomba ofisialy omaly 16 mey tetikasa telo vaovao eo amin'ny sehatry ny tontolo iainana,

Card image cap
16-mai-2024

mpitondra mahalala ny filàm-bahoaka sy tena laharampahamehana, vahoaka tsy sakana fa hery,

Card image cap
16-mai-2024

Raikely iray indray no voamarina fa nanolana ny zana-badiny vao 13 taona,

Card image cap