Actualités

dia nisy ihany ny fanapahan-kevitra niainga ka nanesorana ny delegen'ny boriborintany tao amin'ny kaominina Fihaonana Tsiroanomandidy ka namindrana toerana azy. Matoa aloha noraisina izay fepetra izay, dia ao raha… Saingy mbola tsy mahafapo ireo mpitaky ny fandraisana andraikitra izany satria, efa tara loatra hoy izy ireo ny fepetra, ary tsy ny delege ao Fihaonana irery no mampikaikaika ny vahoaka fa delege aminy kaominina maromaro ao amin’ny faritra Bongolava mihitsy izay heverin’ireo mitaraina fa ny prefe ao Bongolava no maniraka azy ireo manao fitakiana vola tsy ara-drariny amin'ny vahoaka, indrindra ireo misehatra amin'ny fiompiana omby.
EFA NITARAINA SAINGY…
Raha tsiahivina dia efa nitondra ny fitarainana tany amin'ny minisitry ny atitany ireo ben'ny tanàna ao Bongolava. Nisy natao an-taratasy izany ary nisy noresahana mivantana mihitsy, saingy mahagaga fa tsy mandray fepetra mifanaraka amin'ny zava- misy ny minisitra. Toa odiany fanina aza, hoy ny fanamarihana, fa ingahy prefe no tena olana ao Bongolava ka mahatonga ireo delege sasany manampatra tanteraka. Ho an'ireo ben'ny tanàna ao Bongolava, dia efa tsy mijanona amin'ny fanesorana ireo delege manao fakam-bola tsy ara-drariny amin'ny vahoaka intsony ny fitakiana, fa mitaky ny hanoloana ny prefe ao an- toerana mihitsy. Isan'ny nijoro ary manohana ny fitakian'ireo ben'ny tanàna ao Bongolava amin'izany tokony hanesorana ny Prefet izany ry zareo FITEAM (Fikambanan'ny Terak'Androy eto Madagasikara) ao Tsiroanomandidy ao. Tsara dia tsara hoy ireto fikambanan'ny Antandroy ao Tsiroanomandidy ireto raha midina ifotony mihitsy ny minisitry ny atitany, mihaino sy mifampiresaka amin'ny vahoaka mivantana hamantarana izay zava- misy marina, fa tsy mionona fotsiny amin'ny fihainoana ireo olona karamaina ampitenenina lainga sy tsy miaina ary tsy mahita akory ny tena fampahoriana ny vahoaka any an-toerana.

Efa tena maro ny porofo an-taratasy naseho mahakasika ny fomba fiasan’ity prefe ity, hoy ireo olona mitaraina ka mbola tsy ampy ihany ve sa sanatria mifampiaro ny samy administratera sivily ?
Nangonin’i RTT