hoy ny mpahailalana eo anivon'ny fikambanana Focus development, Lova Razafiarison. Tanjona napetraky ny rantsa-mangaikan'ny firenena mikambana misahana ny mpitsoam-ponenana izy io, hoy izy. Ny olona tsy manana zom-pirenena no atao hoe tsy manan-tsata. Ny lalana mifehy ny zom-pirenena eto Madagasikara dia norafetina ny taona 1960. Ao no misy ireo endrim-panavakavahana mahatonga ny olona iray ho "apatride". Isany, ohatra, ny mihatra amin'ny maha vehivavy. Eo koa ny resaka fivavahana sy fihaviana. Ny taona 2017 dia nisy fanovana na fanitsiana io lalana io tamin'ny alalan'ilay lalana 2016-038. Ny zava-dehibe nentin'izy io dia ny fahafahan'ny vehivavy malagasy mamindra tsy misy fepetra ny zom-pireneny amin'ny zanany raha toa ka talohan'io 2017 io dia tsy afaka manao izany ny vehivavy malagasy raha tsy "apatride" ilay vadiny na teraka ivelan'ny fanambadiana ilay vehivavy. Nanafoana trangana tsy fananan-tsata amin'ny ampahany teto Madagasikara io saingy tsy midika fa foana tanteraka izany ankehitriny. Mbola misy "Apatride" eto ary antony mbola tsy maintsy hanoizana ny ady amin'izany, hoy hatrany ny tenany. Miisa 626 ireo olona tsy manan-tsata eto Madagasikara, raha ny antotan'isa farany tamin'ny alalan'ny RGPH ny taona 2018. Lehilahy ny 66%n'ireo, izany hoe, ny ankamaroany, raha toa ka vehivavy ny 34%, raha ny fampitam-baovao hatrany.
J.Mirija
Nambaran’ny Filoham-pirenena Andry Rajoelina fa 250 tapitrisa dolara na 1200 miliara
Amin’ny volana may 2024 no hanomboka miandalana ny asa fananganana ireo foibem-pamokarana
Nampahafantarina ofisialy omaly teny Andraharo misy ny foiben’ny orinasa Telma ny MVola Fô,
Raim-pianakavina iray no fantatra fa maty voatsatok’antsy teo amin'ny lamosiny sy ny kibony tany Antanimalandy
Mbola tsy misy jiro any Sambava hatramin’ny omaly, mbola miandry ny fahatongavan’ny solika avy any Antalaha !
Na kandida tanaty fitondrana aza nisy tsy nahazo ilay taratasin-ketra «211 bis» ary maro,