Actualités

 Tratra saika ahondrana any Chine dia najanona tao Port Louis Maurice dia toa hoe efa haverina ao Toamasina? hoy ny fanamarihana sady fanontaniana nataona mpizara vaovao iray. “Dia, hoy hono, ilay kaompaniam-pitaterana nahatrarana azy hoe tsy fanahy iniana fa nifandiso na “erreur de manipulation hono?”, hoy hatrany io mpizara vaovao io. Teratany Sinoa 2 sy Malagasy 2 kosa no naiditra am-ponja ny fiandohan’ny herinandro teo. Raha hiverenana ny tantara. Vato 8 kaontenera no sarona tany Toamasina, nahitana vatosoa isan-karazany.Azo niainga avy amin’ny fitsirihana nataon’ny mpiasan’ny fadin-tseranana, nahitana fa nisy hosoka ny fanambarana. Entana hafa no hita tao anatin’ny antontan-taratasy. “Ny zavatra natao fanambarana tao, ka ny iray nisy “pierre industrielle à travailler”, fa rehefa nosokafana ny kaontenera izay telo no efa voasokatra, dia ny telo nahitana fandikan-dalàna daholo. Iray isan’andro no vita, nanararaka daholo ny “emballages” nisy azy satria raha resaka vato sarobidy dia zavatra kely iray mety hiteti-bidy. Vato sarobidy “labradorites” 14 taonina, ohatra, no isan’ny hita tamina kaontenera iray, saingy “quartz” ny tao anatin’ny fanambarana, Corail noir izay namoahan’ny CITES fanambarana fa tsy azo trandrahana sy aondrana,… Saika vato sarobidy efa voatefy sy mbola hotefena avokoa no tao anatin’ireo kaontenera. Voalaza fa nalefa any amin’ny Banky foibe ireo “corail noir” efa voatefy tsara. Andrasana ny fanazavana ofisialy momba io resaka mandeha fa nisy entana tafaporitsaka ion a mitombina na tsia. Raharaha avo lenta ny tahaka itony, ary tsy olon-tsotra no afaka manao afera goavana amina trafikana harem-pirenena toy izao. Voalaza moa fa efa mandeha ny fanadihadiana ka asa na hivoaka ny tena marina sy ny tena atidoha na ho vitavita ho azy toy ny raharaha volamena 73,5kg izay tsy re intsony ny tohiny?
Toky R