Vesatra hanenjehana an’i Rinah

nilaza ny mpisolovava an’ny tompondraikitry ny serasera teo anivon’ny fiadidiana ny repoblika teo aloha sy tomponandraikitra teo anivon’ny masoivoho malagasy ao Chine farany teo ihany koa, Rinah Rakotomanga, fa isaky ny hita fa mitady ho afaka ny olona arovany dia misy dosie vaovao foronina indray. Amin’izao dia nampiana raharaha fanodikodinam-bola mitentina 24 miliara Ariary tamin’ny taona 2020, izay efa navoakan’ny «Cour des comptes» na ny rafi-pitsaràna misahana izany didy fa tsy nisy fanodikodinam-bola, araka ny fanazavany, no hanenjehana azy. Ny tanjona dia ny hitazonana azy am-ponja maharitra, hoy ity mpisolovava ity. Heverin’ity mpisolovava ity, araka izany, fa fanenjehana mitohy sy paikady hampitomboana ny vesatra iampangana azy izao zava-misy mahazo an’ity tomponandraikitra teo anivon’ny fitondràna, Andry Rajoelina, ity izao.
J. Mirija