HALATRA VOLA 6 TAPITRISA AR

Zazavavy kely iray vao 13 taona monja no fantatra fa ati-doha tamin’ny fangalarana ilay lela-vola 6 tapitrisa Ar tany Miarinarivo. Raha tsiahivina kely ny tantara dia nisy olona iray tonga nitaraina tao amin’ny Kaomisarian’ny Polisy tao Miarinarivo ny 14 Jolay teo fa nisy zazavavy kely 13 taona, izay taizany, tsy hita niaraka tamin’ny vola 6 tapitrisa Ariary tao an-tranony. Ny 17 Jolay lasa teo dia hita tao Imerintsiatosika ilay zazavavy kely ka nosamborin’ny Polisy. Nandritra ny famotorana dia nanambara izy fa nisy lehilahy roa hafa mpiray tsikombakomba taminy nanao ny halatra. Voasambotra ny andron’io ihany koa ireo lehilahy ireo teny Anosibe Antananarivo. Nahitana finday miisa 5 teny amin’izy ireo izay nolazainy fa novidiana tamin’ilay vola avg nangalariny. Taorian’ny fanadihadiana savaranonandro dia natolotra ny Fampanoavana ny zoma teo izy telo tonta ary samy naiditra am-ponja vonjimaika.
Pati
Legende : Vola 6 tapitrisa Ar no namotehan’izy 3 mianadahy ireto ny fiainany !