Olona varira any ITASY

Manoloana ireo hirisetra nisesy, izay nisy namoizana aina nihatra tamin'ireo olona manana toe-tena varira tato ho ato, dia tena miaina anaty tebiteby sy tahotra ny amin'ny hoaviny izy ireo, indrindra ireo ankizy. Any amin'ny Faritra Itasy iny, raha ny fantatra, dia misy tanora varira tokony hiatrika fanadinana bakalorea amin'ity taona ity no tsy maintsy nijanona tamin'ny fianarany noho izay tahotra izay. Fanirian'ireo olona manana toe-tena varira any amin'ny Faritra Itasy iny ny hananganana ivon-toerana handraisana manokana azy ireo ary manao antso avo amin'ireo malala-tanana mba hiara-hanolo-tanana amin'ny fanatanterahana izany, mba hiainan'izy ireo lavitry ny fitaintainana sy ny tahotra ary ny hananany fiainana milamina toy ny olon-drehetra.
Jean D.