Rivellino Ravelomahazo

Fotoana hamelomana ny ''Vaomieran'ny fandriampahalemana'' isam-pokontany izao, hoy ny mpamakafaka fiainam-pirenena, Rivellino Ravelomahazo. Mandry tsy lavo loha ny vahoaka manoloana ny tsy fandriampahalemana misy etsy sy eroa, hoy izy. Manoloana izany, aoka tsy ho zatra toloram-potsiny na manantena fanjakana lava izao. Isika no mila mandray andraikitra voalohany amin'ny alalan'ny andrimasom-pokonolona ary mila sarotiny isika amin'izany. Ny fampandrosoana eny ifotony dia miainga amin'ny fandraisan'andraikitry ny tsirairay fa tsy hanampy anao ny fimenimenonana sy ny fanaratsiana sesilany tompoko, hoy hatrany ny tenany.
J. Mirija