VONO OLONA

Nitrangana vono olona feno habibiana tany amin'ny Fokontany Ambatomenarana, kaominina Anosibe Ifanja, distrikan'i Miarinarivo. Lehilahy iray tokony ho 30 taona mahery no hitan'ny olona efa tsy nisy aina intsony omaly Alakamisy 09 Jona maraina. Niparitaka vetivety ity vaovao mampalahelo ity ka efa tonga nijery ny razana ireo tompon'andraikitra. Nandritra ny fizahana nataon'ny mpitsabo no nahafantarana fa nesorin'ireo mpanao ratsy ny mason'ilay lehilahy havia sy ny fony, antony niteraka ny fahafatesany. Fantatra ihany koa moa fa tsy misy mahalala an'Itompokolahy ireo mponina any an-toerana, antony nanaovana antso avo ireo izay mahalala na mahafantatra azy. Voatery mandray an-tanana ny fikarakarana ny razana indray noho izany ireo tompon'andraikitra ao an-tanana hatramin'ny omaly hariva fotoana nanoratanay ny vaovao.
Nangonin'i Pati
Légende : Nitsirarabe tahaka izao ny razana !