Politique

harin-karena miiba -7,1%, vidim-piainana miakatra, tetikasa teleferika miantona, tetikasa tanana vaovao miantona, ny fiverenan’ny fampanantenana efa tamin’ny 13 taona lasa toy ny resaka “Bus” be sy ny maro hafa tsy voatanisa. Saika isan’andro no misy sary fanehoana mirentirenty ny fitokanan’ny filoham-pirenena tombok’asa any amin’ireo faritra samihafa. Manao toy izany koa ireo mpiara-miasa aminy. Mbola mampitaraina hatramin’izao anefa ny haratsian-dalana sy ny tsy fahafahan’ny tantsaha mampiaka-bokatra araka ny tokony ho izy vokatr’izany. Mandry an-driran’antsy, hoy ny fitenenana, ireo mponina vokatry ny tsy fandriampahalemana. Mihena dia mihena ny famokarana. Mitohy hatrany ny fampanantenana isaky ny misy fivoahana. Ny eo tsy vita. Ny hafa asisika ihany. Lasa fanontaniana zary vazivazy ankehitriny ny hoe ho tadidy daholo tsy hisy adino ve ireny fampanantenana rehetra izay hita ho mbola propagandy no sady toa efa propagandin’ny taom-pifidianana manaraka ireny? Voaporofo ny faran’ny herinandro teo iny ny fivadian-dela mikasika ny vidin-tsolika satria raha nampanantena ny filoham-pirenena ny aprily 2019 fa tsy maintsy mihena ny vidin-tsolika dia tsy maintsy miakatra indray, hoy izy, izany ny 15 jolay 2022 teo. Miha tsy voafehy hatrany koa, araka izany, ny serasera am-bava fa ny serasera an-tsara na ilay antsoina hoe “communication visuelle” sisa ezahana atao mipoapoaka.

J. Mirija