airtel

Politique

02-juin-2023

Politique

5 volana mialohan’ny fifidianana Miha mangotraka ny tontolo politika

Sample post image

Mihazakazaka ny toe-draharaha politika, ary hita ho miha mangotraka amin’izao 5 volana mialohan’ny fifidianana izao. Mandeha ny adihevitra samihafa toy ny firesahana sy adihevitra ambony latabatra hametrahhana ny fitsipi-pitondran-tena,

02-juin-2023

ny fitakiana hafa amin’ny hanaovana fikaonan-doha, ny adivarotra hisiana tetezamita na tsia, ny resaka fanitsiana na tsia ny lalàm-pifidianana,… fa ny fifandonana eny an-kianja ihany koa efa mafotaka. Tsikaritra izany eo amin’ireo hery roa nifandona efa tao anatin’ny 15 taona. Taorian’ny tany Analavory, nafampana tao mahajanga omaly noho ny fahatongavan’ny Filoha teo aloha sady Filoha mpanorina ny Antoko TIM Marc Ravalomanana. Hanao Kongresim-paritra ny TIM. Nandeha ny fanakanana satria voalaza fa tsy mahazo mahazo midina ny fiara mitafa amin’ireo olona. Tsy navela nandeha an-tongotra nanentana ireo mpanara-dia azy, ka raikitra indray ny fandravana barazy tahaka ny niseho tany Analavory. Nafana ny fifanosehana, hany ka nirefotra indray ny lakrimozenina tao Antanamalandy. Nisy kosa ny fanentanana nataon’ny Sekretera Jeneralin’ny TIM Rina Randriamasinoro, nilaza fa taom-pifidianana ity taona ity, tsy maintsy ho avy io, ka tandremo sao tratry ny mpangala-bato fa io no fahavalontsika, hoy ity farany. Ny sary ivelany miseho aloha, dia mihamafana hatrany ny fifandirana eo amin’ny mpitondra volomboasary sy ny TIM. Ny andaniny miezaka maneho fa mbola matanjaka sy mahatarika vahoaka, manamafy ny toerany ara-politika. Toa mampijabaka ny eo amin’ny fitondrana hanao fahadisoana ara-politika hiteraka sary ratsy eo imason’ny vahoaka sy ny iraisam-pirenena,… Ny andaniny efa hita hatramin’izay ny fomba fiasany sy ny fihetsiny, fa tsy te hiraharaha an’izay demokrasia sy fahalalahana any, fa rehefa tsy mifanaraka amin’ny eritreriny dia ataony amin’ny fanaovana azy. Samy miezaka mibahana sy manao ampihimamba ny sehatra politika, samy te haneho fa mbola ao anatin’ny tanjaka tanteraka, ary tsy azo hihodivirana sy tsy azo hahilika amin’ny toe-draharaham-pirenena sy politika eto, ary misy mpandinika aza moa dia milaza fa mifamelona ara-politika ny volomboasary sy ny mena. Raha ny tantara, niaraha-nahita ny 2018, taorian’ny tabataba sy fanoherana, nanaiky nilefitra ny andaniny na nilaza aza fa feno hosoka sy halatra ny fifidianana, fa amin’ity milaza ampy izay ny fandeferana. Ny ankilany milaza fa tsy maintsy handresy ? Mbola ny sary 2018 tokoa ve izany no hiverina ? Mbola mitazana sy mijery ny hirika hidirany ve ny hafa na efa misy 2 sy 3 mety mihetsiketsika aza. Mandra-piandry izay, na mandeha aza ny filazana fa tsy maintsy hisy fifidianana, dia mangotraka aloha ny fifandoloana ka hiniana korontanina mihitsy ve mialohan’ny fifidianana noho ny kajikajy samihafa ? Rehefa mangotraka sy mikorontana vao hoe : andao amin’izay hiresaka ka samy hiady ny tombotsoany eo?
Toky R
 

Dans la même rubrique

22-sept-2023

Nanapa-kevitra ny hiara-dia amin’ny kandida laharana voalohany Tahina Razafinjoelina I Patrick Raharimanana

Card image cap
22-sept-2023

Nanindry mafy omaly my depiote Keron Idealson, voafidy tao Ampanihy andrefana fa tsy azo vakivakiana amin'izay

Card image cap
22-sept-2023

Variana amin’ny toe-java-misy ankehitriny aho, hoy ny mpahaifiarahamonina politika sady filohan’ny antoko politika Ny Fireneko, Paul Rabary,

Card image cap
22-sept-2023

Manoloana ny zava-miseho ankehitriny eo amin’ny sehatra politika, ny antoko politika Maitso hasin’i Madagasikara,

Card image cap
22-sept-2023

Taorian’ireo fihaonana samihafa nataon’ireo kandida toy ny tamin’ny FFKM, tamin’ny Vondrona Iraisam-pirenena,

Card image cap
22-sept-2023

Niresaka ny praiminisitra fa tsy azo ivalozana ny didy navoakan’ny HCC, hoy ny antoko politika Fiombonana.

Card image cap