airtel

Politique

09-mars-2023

Politique

Antananarivo aza tsy voatantana Tsy mahagaga raha mikorosy fahana i Madagasikara

Sample post image

Mampiteny ny moana ny fahapotehan’Antananarivo amin’izao fotoana izao, ary tsy misy izay tsy miresaka an’izany izay mahita.

09-mars-2023

Tena mihemotra fa tsy mandroso araka ny fampanantenana sy lokaloka tany amin’ny propagandy. Na aiza na aiza aleha, fahapotehana sy fahasimbana no tazana. Potika tsy misy horaisina ny ankamaroan’ny làlana, ary izay boriborintany rehetra aleha fahasimbana no misongadina. Ny hatsaran’ny làlana sy ny fotodrafitrasa anefa no isan’ny tandindona manamarika ny renivohitra maneran-tany, ary vavahadin’I Madagasikara rahateo Antananarivo. Ny renivohitra no tandindona sy sary voalohany hitarafan’ny vahiny ny fandrosoana na fihemoran’ny firenena iray ka dia io iaraha-mahita io izy io hoe: mandroso sa mihemotra? Madio sa maloto? Milamina sa mikorontana? Mahantra sa manan-karena? Mitotongana manaraka izany ny fari-piainan’ny mponina. Asa izao tokoa ve no fomba fiasa hoenti-milaza fa tena ilaina ny teleferika? Izao ve no làlana saika hampidirina “bus” be manara-penitra? Aiza ilay lokalokan’ny Filoha ankehitriny nanao toromarika ara-pifidianana na “consigne de vote” iray andro nialohan’ny fifidianana ben’ny tanàna fa homena 11 miliara izy isan-taona I Antananarivo? Nenjehina mafy ny ben’ny tanàna teo aloha, ary ingahy Filoha mihitsy no nilaza mivantana fa maimbo sy voretra ary nihemotra I Antananarivo? Ankehitriny izy izany mandroso rehefa ny iray loko politika amin’ny fitondrana no eo amin’ny fitantanana? Ny resaka lamina mba napetraka aza nohitsahina tamin’ny alalan’ny fanambazana politika dia ny hoe : havela hivarotra ny mpivarotra amoron-dàlana, ny fitaterana mikorontana ambony ambany saingy mbola nampidirana kazarany hafa noho ny fikatsahana vato amin’ny fifidianana,… Ny toekarena mihemotra, ny fihariana mihisatra noho ny antony maro toy ny fitohanana lavareny isan’andro,… Antananarivo eto amin’ny talaky maso eto io iaraha-mahita io ny fihemorany sy ny fahapotehany, mainka fa manerana ny Nosy. Tsy misy izay tsy mikaikaika amin’ny fahapotehan’ny làlam-pirenena, ny làlam-paritany,… Antananarivo eto ambany maso eto aza tsy voatantana, ka tsy atao mahagaga raha mikorosy fahana ny firenena manontolo, kanefa mbola hiezaka hampanonofy mba hahazoana 5 taona manaraka indray.
Toky R
 

Dans la même rubrique

24-avril-2024

Nampanantsoina teny anivon’ny tendrom-pitsarana misahana ny ady amin’ny kolikoly na ny PAC (Pôle anti-corruption) 67ha,

Card image cap
24-avril-2024

Tsy misy intsony ny Fanjakana tan-dalàna ka mijoro ireo mpahay lalàna sy avara-pianarana sy ny vato

Card image cap
24-avril-2024

Namoaka tatitra ny depiote Rahasimanana Paul Bert na Rossy omaly,

Card image cap
24-avril-2024

Hanomboka ny datin’ny 08 ka hatramin’ny 27 Aprily ho avy izao ny

Card image cap
24-avril-2024

Tao anatin’ny hetsika fotsy aho ary mbola anatin’ny fanoherana, hoy ny kandida ho depiote,

Card image cap
24-avril-2024

Novorian’ny Governora Guy Ramarosandratana ireo staff-n’ny faritra Mangoro sy ny Birao politika TGV-Distrika Ambatondrazaka ny takarivan’ny 19 aprily teo.

Card image cap