airtel

Politique

10-juil-2024

Antananarivo renivohitra

Kandida i Rinah, nialany ny "orange"…

Sample post image

Nanao fampahafantarana teo amin’ny pejin-tseraserany Rtoa Rinah Rakotomanga omaly,

10-juil-2024

fa kandida ben’ny tanànan’Antananarivo. Isan’ny nahafantarana azy raha tsiahivina ny naha Talen’ny Seraseran’ny Fiadidian’ny Repoblika azy tao anatin’ny Fitondrana Rajoelina, lasa mpanolontsaina ambony tany amin’ny Masoivohontsika tany Frantsa, lasa Filohan’ny Filankevi-pitantanan’ny Madagascar Airlines, ary tsy manana andraikitra ofisialy ao anatin’ny Fanjakana amin’izao fotoana izao raha ny fahalalana azy. Mirotsaka amin’ny anaran’ny tenany manokana izy ao anatin’io. "Mijoro aho ankehitriny hitondra ny anjara birikiko, fa tsy efako izaho samy irery izany fa izaho sy ianao, isika miaraka no hahavita io, tsy hanavahana na iza na iza fa izay vonona hoan'Antananarivo dia raisina antanandroa fa io ny antsika.", hoy izy. "Maro ireo mpiara-miombon'antoka any ivelany miara-dia sy mivonona ny hifanohana fa isika sisa no andrasana hitondra ny fahaiza-manaontsika sy ny fahavononantsika ho an'Iarivo mamintsika," hoy hatrany i Rinah Rakotomanga. Nilaza fa efa ela niomanana ary efa nanampikasana tany amin'ny 14 taona lasa. Naneho ny tenany, fa betsaka ireo ady sy dingana natrehina, izay tsy mora ary nanahirana azy satria niharan'ny fanenjehana sy fanapepoana foana na ny ara-kevitra, na ny ara-potokevitra na ny maha vehivavy azy. « Ireo izay asa natao dia nahitana fanenjehana sy fanasotekana ary fanaratsiana foana,… fa nijoro foana, mijoro aho ary mbola hijoro hiaro ny hevitro sy ny maharesy lahatra ahy hoan'ny tanindrazana! », hoy izy. Toa misy karazana alahelo politika ihany ny firesany izay naneho, fa rehefa tonga ny fotoan-tsarotra dia miady irery ianao ary hafatratra any aminao avokoa ny tsy fetezana rehetra, fa rehefa tonga ny fotoam-pamokarana dia tonga avokoa ny rehetra milaza fa tena namana hono. « Tsy asiantsika olana izany fa hitako fa mety ankehitrio dia arosoko hoan'ny vahoakan'Antananarivo ny hevitra sy tetika ary paika hanarenana sy hamerenana indray ny hasin'ny tananantsika izay lasa ivotoeran'ny adilahy politika sy ny fifanjevoana eo amin'ny fanjakana foibe sy ny fiadidiana ny tanana hatrizay ka hatrizao », hoy i Rinah Rakotomanga. Mahatsiaro ho atao anjorom-bala ve izany Rtoa Rinah Rakotomanga rehefa misy ny fahombiazan’ny volomboasary kanefa isan’ireo nizaka ny mafy tamin’ny fanenjehana ny fitondrana ka naleony nikopa-kelatra nisara-dalana ? Sa politika avo lenta ?
Toky R


 

Dans la même rubrique

19-juil-2024

Tsy manary namana ny Filoha Rajoelina, izaho no « bête noire » an’ny mpanohitra,

Card image cap
18-juil-2024

Nijanona ho resaka ambony latabatra sy fangaronan-dela ara-politika aloha ilay hoe :

Card image cap
18-juil-2024

Manoloana ny fanenjehana ara-politika miseho lany ankehitriny dia nanambara ny antoko politika

Card image cap