Antananarivo Renivohitra

Antananarivo Renivohitra omaly Atoa Alexandre Georget, Filohan’ny Antoko Maitso, mpikambana tao anatin’ny Vondrona ARMADA, Minisitry ny tontolo iainana teo aloha. Izy izany no PDS fahatelo teto Antananarivo, rehefa lasa minisitry ny fanajariana ny tany ny ben’ny tanàna voafidy farany Atoa Naina Andriantsitohaina ny volana aprily 2024 teo. Nodimbiasan’Itompokolahy Ramanambitana Richard, avy eo Rtoa Harilala Ramanantsoa nanomboka ny 26 aogositra, saingy voatery niala rehefa voaray ny antontan-taratasy firotsahan-kofidiana iray volana taorian’io. Banga teo ny toerana nanomboka ny 27 septambra 2024, tsy noraharahiana firy teo, ka asa hoe : inona no naha taitaitra ny fitondrana ka niroso tamin’ny fanendrena PDS ihany iray andro nialohan’ny propagandin’ny fifidianana ben’ny tanàna ? Izao ve vao tsapa ny fahabangan-toerana sa kajikajy politika eo anatrehan’ny toe-draharaha mafampana eto Antananarivo ? Ho PDS tetezamita kely anatin’ny iray volana eo izany Atoa Alexandre Georget ka izy izany no hamindra fahefana amin’izay ben’ny tanàna manaraka eo ! Sa sanatria ho PDS fiandry sy haharitra eo anatrehan’ny mety ho toe-draharaha tsy ampoizina mikasika ny fifidianana eto Antananarivo izay efa ireny niaraha-naheno ireny ny kabary fihantsiana sy toa fandemen-tsaina nalefa ireny ? Hanao amboletra ary efa mihomana amin’ny mety ho tsy fankasitrahana an’izany ?
Toky R