airtel

Politique

26-avril-2023

Politique

Antoko politika Ny Fireneko «Apetraho ny rafitra faritany mizaka tena!»

Sample post image

Ny anjara birikin’ny antoko politika Ny Fireneko hatreto dia ny mametraka ny adihevitra politikam-pampandrosoana eto amin’ny firenena, hoy ny filohany, Paul Rabary.

26-avril-2023

Mila manana safidy ho entina amin’ny 60 taona manaraka i Madagasikara, hoy izy. 60 taona izay no vita. Io no vokatra. Matoa betsaka ny kandida nirotsaka ho filoham-pirenena sy ny antoko politika dia tsy nionona tamin’io vokatra io isika fa nitady zavatra. Adihevitra ny politika dia mitondra ny hevitra no atao ahafahana mifanakalo, miady hevitra, mitady ny lalana ivoahan’ny firenena. Zava-dehibe izay saingy adino foana rehefa manao politika. Ny maha maika antsika dia hoe iza no tohanana na ahoana no atao amin’ny lalam-pifidianana, ny lalampanorenana nefa fitaovana daholo ireny. Fitaovana ny fifidianana. Inona no tanjona hampandrosoana ity firenena ity? Ny anjara biriky faharoa dia ny mampianatra sy mitarika ny olona hanao politika amin’ilay politika manan-kasina, manana faka, vahaolana ho an’ny firenena, faritra, kaominina. Tsy miresaka vahaolana intsony ny politika amin’izao fa olona sy fifidianana na fifanarahan’olona, fifandrotehan’olona. Olona hanao inona ary firenena ho entina aiza? Raha azo ny fahefana, ohatran’ny efa hita nataon’ny politika nahazo fahefana teto hatramin’izay, hanaovana inona? Rehefa mandeha ny asa fampandrosoana dia asa fampandrosoana mandiso fanantenana vahoaka satria tsy voadinika sy voarafitra amina tanjona iray. Te hanao politika miavaka izahay ary izany no antony hilazanay hoe tsy mbola fifidianana aloha no resaka. 300 isa ny antoko politika eto fa ny mampiavaka anay amin’ny hafa dia hoe manan-kevitra, mametraka fa tsy tokony hisy korontana io fifidianana io, vonona hifampiresaka amin’ny rehetra, mametraka ny hoe rafitra no zava-dehibe fa tsy olombelona. Izay ady hevitra mivoana amin’izay dia hialanay satria raha niasa be ny antoko politika rehetra tao anatin’ny 60 taona fa izao no vokany dia misy antony izay. Fakana fahefana no tanjona fototry ny fanaovana politika. Tsy hiadian-kevitra iny raha tiana ny hampihatra ny vina tian-katao saingy tsy amin’ny alalan’ny fidinana an-dalambe na fanonganam-panjakana fa amina alalana rafitra demokratika, fifidianana. Hoy izahay hoe apetraho ny rafitra faritany mizaka tena eto Madagasikara fa efa tsy tafavoaka intsony amin’io rafitra fanjakana tokana na «Etat unitaire» io intsony isika, hoy hatrany ny antoko politika Ny Fireneko!
J. Mirija
 

Dans la même rubrique

17-juin-2024

Nanao karazana fampitandremana ho an’ireo ambarany fa mikotrika zavatra hafa

Card image cap
14-juin-2024

Nanamafy ny depiote Rahasimanana Paul Bert na Rossy fa tena nanjakan’ny tsy tan-dalàna ny fifidianana

Card image cap
14-juin-2024

Tsy fifidianana no natao teto fa fangalaram-bato, ary tsy mbola fahita tao anatin’ny 60 taona, hoy ny RMDM,

Card image cap
14-juin-2024

Tsy fifidianana no natao teto fa fangalaram-bato, ary tsy mbola fahita tao anatin’ny 60 taona, hoy ny RMDM,

Card image cap
14-juin-2024

Nandray anjara tamin’ny fifidianana solombavambahoaka tany Toliara II ny antoko politika Otrikafo,

Card image cap