airtel

Politique

04-janv-2023

Politique

Antoko politika Otrikafo “Miaiky ny filoham-pirenena fa betsaka ny zavatra tsy mandeha eto”

Sample post image

Hafampana ny toe-draharaha politika amin’ity taona 2023 ity, hoy ny antoko politika Otrikafo sady nampiomana no nirary soa ny vahoaka malagasy manoloana ny fahatrarana ny taom-baovao.

04-janv-2023

Raha mandeha araka ny tokony ho izy ny zava-drehetra, hoy ny sekretera jeneralin’izy ireo, Elia Rabevahiny na Rabe Otrikafo, dia hiatrika fifidianana miisa 2 isika amin’ity taona ity. Fifidianana filohan’ny repoblika, ben’ny tanàna sy mpanolontsain’ny tanàna. Raha izao rivotra politika mitsoka izao sy ny rivotra sosialy manoloanan’ny fikaikaikan’ny mpiray tanindrazana amin’ny fiakaran’ny vidim-piainana anefa dia hoy izahay hoe sarotra ny hiheverana fa ho tody any amin’ny fifidianana 2023 isika satria mbola ho aritry ny vahoaka malagasy ve izao fahantrana izao mandra-pahatongan’ny fifidianana? Azo heverina ve ny tsy hisian’ny fipoahana sosialy raha izao no zava-misy mialohan’ny fifidianana? Raha ho tanteraka amin’ity aza ny fifidianana dia azo heverina fa io indray izany no lalana hitondra any amina krizy vaovao na krizy aorian’ny fifidianana satria fantatsika fa ny mpitondra ankehitriny na dia ambany be aza ny fankafizan’ny malagasy azy sy ny herijika hiverenan-drizareo eo amin’ny fitantanana ny firenena dia tsy maintsy hampiasa ny fahefana eo am-pelantanany ahafahany mitazona ny fitondrana koa izy raha hiroso indray amin’ny fotoam-piasana faharoa. Sarotra ho aty amin’ny fanoherana sy ny vahoaka manaraka ny toe-draharaham-pirenena koa anefa ny hanaiky ny halatra tsy maintsy ho ataon’ilay mpitondra ao anatin’izay fifidianana izay. Ny firosoana amin’ny fifampiresahana ihany noho izany no vahaolana. Miantso fitoniana politika ny filoham-pirenena farany teo. Miaiky izany ny filoham-pirenena fa betsaka ny zavatra tsy mandeha eto. Iaraha-mahita ny fahasahiranan’ny fitondram-panjakana nandoa ny karaman’ny mpiasam-panjakana teo. Ahoana ity janoary ity? Ho potika ity firenena ity raha mbola hisy fidinana an-dalambe indray ka manana fotoana ny fitondram-panjakana hirosoana amin’ny fifampiresahana, hoy hatrany izy ireo.
J. Mirija
 

Dans la même rubrique

28-mars-2024

Mankahery ny vahoaka malagasy manoloana ny zava-misy ankehitriny

Card image cap
28-mars-2024

Nisy omaly 27 martsa takariva ny karazana fandaharana sy fanambarana nataon’ny PAN.

Card image cap
28-mars-2024

Ankoatra ny fitoriana mba hanonganana tsy ho depiote ny Filohan’ny Antenimierampirenena Rtoa Christine Razanamahasoa,

Card image cap
28-mars-2024

Nidoboka am-ponja ao Antanimora efa tapa-bolana izao Atoa JR lehiben’ny faritra Analanjirofo tamin’ny fitondrana Rajaonarimampianina,

Card image cap
28-mars-2024

Misedra olana marolafy ny firenena na ara-politika na ara-toekarena na ara-tsosialy!

Card image cap
28-mars-2024

Manamafy ireo mpikatroka ifotony ao anatin’ny Antoko TIM ao anatin’ny distrikan’Avaradrano,

Card image cap