Anisan’izany ny “opération jugement supplétif” sy ny karapanondrom-pirenena izay nomarihin’io antoko io fa betsaka ny kaominina no mbola tsy nanomboka, tsy ampy ny fanentanana ny vahoaka, tsy ampy ny fanaraha-maso sy ny fanadihadiana ary ny fanamarinana atao amin’ny olona mandtritra ny fotoam-pitsarana ka toa zary manome lalana ny olona sasany hanana CIN na karapanondro maromaro mety hitarika “doublon” indray amin’ny fifidianana. Mikasika ny fanisana ny mpifidy, milaza io antoko io fa betsaka ny fokontany mbola tsy manomnnoka, maro ireo olona tsy mandray ireo mpanisa mpifidy tonga ao an-tokantranony, tsy mitovy ary tsy ampy ny fitaovana ampiasain’ny mpanisa mpifidy manerana ny Nosy, misy fanisana mpifidy ataon’ny filoham-pokontany ankoatra ny ataon’ny mpanisa avy amin’ny CENI izany hoe: misy “recencements parallèles”, hoy ny TIM. Nomarihin’io antoko io ihany koa fa mbola misy ireo mampiasa lisitry ny mpifidy teo aloha, maro ny CLRE (Comité Local de Recensement Electoral) tsy mamela ny solontenan’ny antoko politika hanara-maso ny asa fanavaozana ny lisitry ny mpifidy. Nahitsy noho izany ny TIM nilaza fa ireo tsy fahatomombanana ireo dia midika fa tsy ho tanteraka ny fanaovaozana ny lisitry ny mpifidy feno, madio, ary marina, izay fototra ahafahana manatanteraka fifidianana marina, mangaraharaha, ary eken’ny rehetra. Taorian’ny fivorian’ny Birao politikan’ny TIM, laviny ny fomba fiasa sarintsarina fanavaozana ny lisitry ny mpifidy satria ho lisitra tsy azo antoka no hivoaka. Nanome toromarika ny mpikambana ao aminy tsy hiditra ary tsy hiray petsapetsa amin’ny fandrafetana ny lisi-pifidianana noho izany ity antoko ity. Nanitrikitrika fa tsy afaka hanomana fifidianana marina sy tsy mitanila ny CENI amin’ny endriny ankehitriny. Mitaky hatrany ny fanaovana fikaonandoham-pirenena ny TIM, ary nanamafy fa io no làlana ahafahana mitondra vahaolana amin’ireo fifidianana ho avy rehetra.
Toky R
Nivadika ny rasa, nanapa-kevitra ny tsy hanohana ny kandida solombavambahoaka avy amin’ny
Tsy hitondra fitoniana eto amin'ny firenena ny fifidianana kasaina hatao eto Madagasikara
Raharaha isan’ny mitana ny sain’ny maro ankehitriny ny nampidirana am-ponja an-dRtoa Ramalason Olga,
Mila averina ny hasin’ny fanabeazana eto Madagasikara, hoy ny antoko politika RCR-Tolona,
Mitohy ny fanamboarana ireo làlana mampitaraina ny vahoaka ao Ambohimanarina.
Nampanantsoina teny anivon’ny tendrom-pitsarana misahana ny ady amin’ny kolikoly na ny PAC (Pôle anti-corruption) 67ha,